Isaya 44:9 - Baibo Busansulushi Bwa Libuku Ili

⁹ Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Isaya 44:9 Marejeleo ya Msalaba

2 Baami 19:18

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Kulumbaisha 115:4

Sombi balesa babo mba silifa agolodi abo bakabumbwa amaansa a bantu.

Kulumbaisha 115:8

Abo bababumba balikoshenye ambabo, ee, abaabo boonse bacinkite manungo muli mbabo.

Kulumbaisha 135:18

Abo bababumba balikoshenye ambabo, ee, abaabo boonse bacinkite manungo mubalesa abo.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 41:24

Sombi mwebo taaku mbomubete ayalo micito yanu taaku mbweebete. Ncakwiila abalo bamulambila balalensha abunya.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 42:17

Sombi abo bacinkite manungo mushibumbwabumbwa, ee, baamba shikoshanyo isho ayi balesa besu, balaakusebaanishikwa akulenshekwa nsoni.”

Isaya 42:18

Mwaami Lesa waamba ayi, “Amukutike mwebo nomushinkite matwi. Amulangilishe mwebo noboofu mubone.

Isaya 43:8

Lesa waamba ayi, “Bantu bangu amubeete bese kunkuta. Meenso ncakwiila balicite, sombi tababoni. Matwi ncakwiila balicite, sombi tabanyumfwi.

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 44:11

Muntu uyo abaabo bali mbuli nguwe balaakulenshekwa nsoni. Abo bacibwene shakupangapanga mbantubo bweenka mbuli bamwi boonse. Balaakulenshekwa boowa akukankamanishikwa kunene abuumbi.

Isaya 44:18

Bantu ba mushobo uyo taaku ncebeshi, tabanyumfwishi. Meenso abo akacalwa ayi batanoobona atwalo tulango twabo twakashindamina ayi batakoonshi kwishibaawo cintu nabi comwi.

Isaya 44:20

Sa te ca mushobo uyo cilyeelenebo akulya milota. Ndushinisho maano akwe alisaamite, aboobo taakoonshi kulifuna napaceyuubo. Taakoonshi kwishiba ayi ici cintu nceencite mulyaansa lyangu lyalulyo ncabubeshi.

Isaya 45:16

Boonse beshikubumba shibumbwabumbwa balaakulenshekwa nsoni akusebaanishikwa. Ncakwiila boonse balaakuloka shiwa abuumbi.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 57:12

Mwebo mulayeeya ayi ncemutoocita cililuleme, sombi micito yanu ndaakwiiyubulula alimwi shibumbwabumbwa teshi shikamucafweewo.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 2:11

Sa kuliwo mushobo wakakakaawo lesa wa nguwo? Nakubi boobo teshi balesa bancinencine. Sombi bantu bangu bakaka Lesa wabo kwaamba ayi bakonkele balesa bataaku mbobabete.

Jelemiya 2:26

Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.

Danyelo 11:38

Sombi ulaakunoolambila lesa washiyubilo. Ulaakunoobenga golodi, silifa, mabwe a makwebo alimwi ashipo shuulwa maali aanji kuli lesa uyo bamashali bakwe bakulukulu mbobatakwe kulambilaawo.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Bene Loma 1:22

Balo bakalinga kwaamba ayi, “Tuli basongo,” anu mbaluyabo.

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Dutolonomi 4:28

Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.

Boomboloshi 10:14

Kamuya mulilile balesa mbomwakalisalila. Balesa abo mbobeelete kumucafwa muciindi ca mapensho.”