Isaya 44:6 - Baibo Busansulushi Bwa Libuku Ili

⁶ Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 44:6 Marejeleo ya Msalaba

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 40:18

Anu ono Mwaami Lesa inga mwamweelanisha ani? Ncikoshanyonshi nceenga mwamweelanika ancico?

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 41:21

Mwaami Lesa, Mwaami wa bene Isilaeli waamba ayi, “Tetetete, kamwisa mulyaambilile nobalesa ba bakunsengwe, amwise mupe bukamboni bunyumfwika.

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 42:8

“Nebo ndime Mwaami Lesa, ee, ili ndyeliina lyangu. Nshipi bulemu bwangu kuumwi, kulumbaisha kweelete ndime, nshikulekeli shibumbwabumbwa.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 48:12

Mwaami Lesa waamba ayi, “Amukutike nobene Isilaeli, mwebo nobantu mbondakasala! Nebo ndi Lesa, wakalingaako kumatalikilo weshi akanooliiko akumeelelesho. Nebo neenka ndime Lesa!

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 59:20

Mwaami Lesa waamba ayi, “Mupulushi ulaakwisa kuSiyoni, ee, kubamulunyungu lwakwe Jakobo basanduka kuswa kushibiibi shabo.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Jelemiya 10:1

Amunyumfwe shitoomwaambila Mwaami Lesa, mwebo nobene Isilaeli.

Jelemiya 50:34

Nakubi boobo nebo neShikubalubula ndicite nkusu. Mwaami Lesa Shinkusu shoonse ndyeliina lyangu. Ndushinisho ndaakubafuna akuleta luumuno mucishi cabo. Sombi ndaakumana luumuno pabaabo bekala muBabiloni.”

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Mateyo 27:37

Peculu lya mutwi wakwe pamucilingano pakalinga kulembetwe maswi akalinga kutondesha mulandu ngobakamucaila ayi, “Uyu nguJesu, mwaami wa baJuda.”

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 4:39

Aboobo amwiibaluke sunu alimwi mutakalubiiwo kwaamba ayi Mwaami Lesa, nguLesa kwiculu apacishi ca panshi. Taaku aumwi, sobwe.

Dutolonomi 6:4

“Amunyumfwe mwebo nobene Isilaeli! Mwaami Lesa, Lesa wesu ngoMwaami eenkabo!

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 22:13

Nebo ndime Alufa alimwi aOmega, nkokwaamba ayi Mutaanshi alimwi aWakweelaako, ndime Matalikilo aMamanino.”