Biblia Todo Logo
Biblia ya mtandaoni

- Matangazo -




Isaya 44:5 - Baibo Busansulushi Bwa Libuku Ili

5 “Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”

Tazama sura Nakili




Isaya 44:5
16 Marejeleo ya Msalaba  

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda. Ono noonse nobantu bakwe Lesa, mulyeelete kuya kooko alimwi Mwaami Lesa, Lesa wanu abe amwebo.”


“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”


NoBaami baLesa ndushinisho ndi musebenshi wanu. Ndi mwaana wa mwanakashi musebenshi wanu ushomeka. Mwakaŋangulula kuswa muncetani sha lufu.


Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.


Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”


Kuswawaawo ndakalemba liina lyangu akubika kalamatila wakeshibilo pankalata itondesha bwiine pamuunda uyo pameenso abakamboni. Lyalo ndakapima maali eelete akumupa.


Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.


Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”


Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”


Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.


Lesa aape luumuno alimwi akunyumfwila nkumbu bantu boonse bakonkela kwiisha uku abantu bamwi boonse bakwe Lesa.


Cakweelaako, kutabi muntu nabi womwi ngweshi anoocimpensha, mukwiinga pamubili wangu pali mibata ibonesha ayi ndi musebenshi wakwe Jesu.


Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.


Tufuate:

Matangazo


Matangazo