Isaya 44:3 - Baibo Busansulushi Bwa Libuku Ili

³ “Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 44:3 Marejeleo ya Msalaba

Jobo 5:25

Ulaakuba abaana baanji, ee, bamulunyungu balaakufula anga mbwiisu pacishi ca panshi.

Kulumbaisha 107:35

Wakasandula luyanga kuba shishiba sha maanshi, acishi ciyumu kuba atuntupu twa maanshi.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Tushimpi 1:23

Nimwakanyumfwila kukalooka kwangu, naakwiinga ndamwaambila shili mumoyo wangu alimwi akumulwiita nsheentooyeeya.

Isaya 27:3

Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Isaya 48:19

Bamulunyungu lwanu naakwiinga bakafula anga ngumuseese, ncakwiila bana banu naakwiinga taaku ukonsha kubabelenga. Aalo meenaabo naakwiinga taaloobi, ee, naakwiinga taashiminganishikwi kunembo lyangu.”

Isaya 48:21

Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Isaya 61:9

Bamulunyungu lwakwe balaakunooshibikitwe pakati ka mishobo imwi, ee, bana babo balaakunooshibikitwe pakati ka baswamashi. Boonse beshi bakanoobabona balaakunoosumina ayi ncakwiila aba mbantu Mwaami Lesa mbwaakapa coolwe.”

Isaya 65:23

Teshi bakanoosebenselawo citacite mpindu, nabi kushala baana beshi bakanoopengabo. Balaakuba bantu abo nebo neMwaami Lesa mbweshi nkape coolwe, nkokwaamba ayi balo abamulunyungu lwabo boonse.

Esekelo 34:26

“ ‘Ndaakubapa coolwe akubaleka ayi bekale mumisena ishingulukite kalundu kangu kasalalite. Ndaakunootuma mfula yatepetepe muciindi ceelete. Ncakwiila ilaakuba mfula yatepetepe ya coolwe.

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

Esekelo 39:29

Teshi nkabafutatilewo tubili ceebo ndaakutila Mushimu wangu pabene Isilaeli. Nebo neMwaami Lesa Shinkusu shoonse ndaamba.”

Esekelo 47:8

Mpeeke wakandwiita ayi, “Maanshi aya alakunka kwiinda mucishi kululama kwicwe kuya mukulokela muCinyika ca Joodani tibili amuLweenge lwa Mwiinyo. Ono maanshi ayo ashika muLweenge ulo, alalengesha maanshi a mwiinyo kuba maanshi abotu.

Osiya 10:12

Nebo ndakaamba ayi, ‘Amulishangile bululami, mukatebule shisepo sha lusuno lutamaani. Amulime myuunda yanu itana kushindwa ceebo cino nciindi cakusandukila kuli ndime neMwaami Lesa. Amunyandoole kushikila nkatiile bululami pali ndimwe.’

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Jowelo 3:1

Mwaami Lesa waamba ayi, “Paciindi ico ndaakulengesha bene Juda abene Jelusalemu kuswitilila alimwi.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Mateyo 12:43

“Na shikaswa waswa mumuntu, ulaya bweenda muluundu kuyandoola kwakookeshesha. Na kwabula kucanika

Milimo ya Batumwi 10:45

Mpeeke baJuda bashomi, abo bakaswa kuJopa aPita, bakakankamana ndibakabona ayi Lesa wapa cipo ca Mushimu Usalashi akubaswamashi bakunsengwe boonse

Milimo ya Batumwi 2:17

‘Lesa wakaamba ayi, Munshiku shamamanino, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bacikula bwangu banu basankwa balaakubona shintu anga muciloto, abalo bamacembele banu basankwa balaakulota shiloto.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Milimo ya Batumwi 2:39

Mukwiinga Lesa nshaakashomesha, wakashomesha ndimwe abana banu alimwi abaabo boonse bali kulaale, abo Mwaami Lesa mbwaaita.”

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.