Isaya 44:26 - Baibo Busansulushi Bwa Libuku Ili

²⁶ Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 44:26 Marejeleo ya Msalaba

2 Baami 7:16

Mpomunyaawo bene Samaliya bakaya mukusaala misumba ya bene Silya. Mpeeke makilogilamu otatwe a witi wiindaawo kubota nabi makilogilamu osanwe ayomwi a bale akalinga kuulishikwa lyaali lyomwi lya silifa bweenka bwakaamba Mwaami Lesa.

2 Baami 7:18

Cakacitika bweenka Elisha mbwaakaambila mwaami ayi, “Ciilo ciindi cino, mwebo mulaakuula makilogilamu otatwe a witi wiindaawo kubota nabi makilogilamu osanwe ayomwi a bale palyaali lyomwi lya Silifa kumwinjililo wa ndabala ya Samaliya.”

2 Baami 7:20

Ono bweenka ubo mbocakamucitikila. Bantu bakamulyata pakwiinda mumwinjililo wa ndabala, lyalo wakafwa.

Esila 2:70

Bapailishi, bene Lefi, beshikwiimba, beshikulindilila paminjililo, abasebenshi ba kuŊanda yakwe Lesa bakatalika kwikala mumandabala abo pantu pomwi abamwi bantu. Abalo bene Isilaeli bamwi boonse bakatalika kwikala mumandabala abo.

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Neyemiya 2:3

sombi ndakaambila mwaami ayi, “Kamweendela buumi lyoonse nobaami! Sa nsheelete kuboneka kutasangalala pameenso na ndabala inene umo mwakoona bamashali bangu bakulukulu ili mumatongo, aminjililo ya njiyo yakanyonyoolwa kumulilo?”

Kulumbaisha 102:17

Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Kulumbaisha 69:36

Bamulunyungu ba bantu bakwe mbweshi bakacipyaane, sombi abalo abo bamusuni balaakwikalaamo.

Shikushimikila 3:3

Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 42:19

Sa kuliiwo ushinkite matwi mbuli musebenshi wangu? Sa kuliiwo moofu mbuli shinkombe ngoontuma? Ngani ushinkite matwi wiinda shinkombe wangu? Anu ngani moofu uli anga ngumusebenshi wangu neMwaami Lesa?

Isaya 42:9

Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 54:3

Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.

Isaya 55:11

Mbweeke ubo amaswi aswa mumulomo wangu mbwaabete ubo. Teshi akaboole kuli ndime kaatana kucita mulimo wa ngawo. Sombi alaakumanisha mulimo uyo ngoonsuni ayi acite akuswitilila mumuyeeyo ngondakaatumina.

Isaya 58:12

Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 61:4

Balaakuyakulula shakanyonyoolwabo kale kale, ee, kuyakulula misena iyo yalinga mumatongo kwaciindi cilaamfu. Balaakuyakulula mandabala ayo akalinga kupwayookite alimwi alinga kucaalite cisuukila kwamashalane maanji.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 28:9

Sombi mulaluki ulaluka shaluumuno ulaakubonwa ayi ncakwiila wakatumwa kuMwaami Lesa na isho nshaakaamba shacitika cancinencine.”

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Jelemiya 32:44

Ndushinisho bantu balaakuula myuunda iyo amaali asilifa. Balaakulemba meenaabo pamakalata atondesha bwiine akubikawo kalamatila wakeshibilo pameenso a bakamboni. Ici cilaakucitika mucishi cakwe Benjameni, mumishi ishingulukite Jelusalemu, mumandabala a mucishi ca Juda, mumandabala ali kutulundu, mishi ili mutulundu tuniini aya muNegefu. Ndaakuboosha bantu aba mucishi cabo. Nebo neMwaami Lesa ndaamba.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Esekelo 36:10

Ndaakufusha mweelo wa bantu pali ndimwe, nkokwaamba ayi ndaakufusha mushobo woonse wa bene Isilaeli. Mumandabala ako mulaakunookala bantu alimwi, aalo maanda alaakuyakululwa.

Esekelo 38:17

Sa teshi ndiwe ndakalinga kwaambaawo munshiku shakeenda kwiinda mubasebenshi bangu balaluki ba muIsilaeli? Ciindi ico bakalaluka myaaka iinji ayi ndaakukuleta kwisa mukubalwana. Nebo neMwaami Lesa ndaamba.”

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Agayi 1:13

Lyalo nebo neAgayi ndakapa maswi a Mwaami Lesa kubantu ayi, “Ndaakunooli amwebo, uko nkokushomesha kwangu.”

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Mateyo 5:18

Ntoomulwiita calushinisho ayi kushikila liculu acishi shikamaane, taaku libala liniini lya Milawo lyeshi likapusanishikwe tibili shoonse shikacitike.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”