Isaya 44:23 - Baibo Busansulushi Bwa Libuku Ili

²³ Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 44:23 Marejeleo ya Msalaba

1 Makani 16:31

Liculu acishi ca panshi ashisangalale! Amwaambile mishobo yoonse ayi Mwaami Lesa ngumwaami.

1 Makani 16:32

Lweenge aluwoote pantu pomwi ashintu shoonse shiliimo! Myuunda ashoonse shiliimo ashisangalale!

1 Makani 16:33

Shisamu muluundu shilaakoolobesha cakusangalala paciindi Mwaami Lesa aakwisa mukulela cishi.

Kulumbaisha 148:7

Amulumbaishe Mwaami Lesa nobapacishi ca panshi, banyama bamumaanshi anolweenge lulaamfu.

Kulumbaisha 148:9

Amumulumbaishe mwebo notulundu tuniini atunene, noshisamu sha shisepo anomisaansa ya masida.

Kulumbaisha 65:13

Luundu loonse luliswitebo mbelele, amwalo mushinyika mwasulabo witi. Shoonse ishi shitokoolobesha akwiimba cakusangalala.

Kulumbaisha 69:34

Liculu acishi ca panshi ashilumbaishe Lesa, alwalo lweenge ashintu shoonse shiliimo.

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Kulumbaisha 89:13

Mukono wanu ngwa nkusu, ee, lyaansa lyanu ndiyumu. Lyaansa lyanu lyalulyo lilalumbaishikwa ceebo ca nkusu.

Kulonga 18:9

Jetulo ndyaakanyumfwa makani oonse aya, wakasangalala

Isaya 12:5

Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.

Isaya 26:15

“NoBaami baLesa, mwalengesha mushobo wesu kukomena. Mwakomenesha manyinsa a cishi cesu mumbasu shoonse. Paceebo ceeco mulapekwa bulemu.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:7

Boonse mbantu bangu, ndakabalenga ayi banoompa bulemu.”

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 49:3

Lyalo wakandwiita ayi, “Isilaeli uli musebenshi wangu. Ceebo ca ndiwe bantu balaakunumbaisha.”

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Jelemiya 31:11

Ceebo nebo neMwaami Lesa ndaakulubula bamulunyungu lwakwe Jakobo. Ncakwiila ndaakubalubula kuswa kubaabo babeendaawo nkusu.

Jelemiya 51:48

Mpeeke liculu acishi ca panshi alimwi ashoonse isho shiliimo shilaakoolobesha cakusangalala ceebo cakukomwa kwa cishi ca Babiloni, kukomwa kubantu abo beshi bakaswe kumatwa mukucinyonyoola.

Esekelo 35:14

Mwaami Lesa Shinkusu shoonse waamba ayi, “Ndaakukulengesha kuba luyanga, lyalo cishi coonse ca panshi cilaakusangalala.

Esekelo 36:1

Mpeeke Mwaami Lesa wakandwiita ayi, “Webo omuntu, laluka patulundu twa Isilaeli akutulwiita ayi tukutike maswi angu nebo

Esekelo 36:8

“ ‘Sombi pali ndimwe notulundu twa Isilaeli, shisamu shilaakuba amisampi akucatila shisepo bantu bangu bene Isilaeli. Bene Isilaeli bali pafwaafwi kuboola kumishaabo.

Esekelo 39:13

Bantu boonse ba mucishi balaakwiifukila alimwi bushiku mbweshi nkatondeshe bulemu bwangu abalo balaakulemekwa ceebo ca mulimo uyo. Nebo neMwaami Lesa Shinkusu shoonse ndaamba.”

Bene Efeso 3:21

Coonde acimulemeke kwiinda muli Klistu Jesu mumashalane oonse, lyoonse alyoonse! Ameni.

Bene Efeso 4:9

Ino maswi akwaamba ayi, “wakatanta,” alasansululanshi? Maswi aya alasansulula ayi wakataanguna kwisa pacishi ca panshi peene.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Ciyubululo 12:12

Paceebo ceeco, sekelela webo oliculu alimwi asheesho shoonse shikalaamo! Sombi mapensho kucishi ca panshi alimwi alweenge! Mukwiinga Mubiibi wesa kuli ndimwe abukali butaambiki ceebo ulishi ayi wacaashabo ciindi ciniini.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!