Isaya 44:22 - Baibo Busansulushi Bwa Libuku Ili

²² Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 44:22 Marejeleo ya Msalaba

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Makani 6:21

Kamunyumfwila mipailo yangu aya bantu banu bene Isilaeli na balanga kuŊanda yanu pakupaila. Amutukutike kwiculu uko nkomwikala akutulekelela shibiibi shesu.

Neyemiya 4:5

Mutabalekeleli shibiibi nshebacita alimwi shibiibi shabo mutashiluubi mukwiinga bacobola ndiswe sotutooyaka.”

Jobo 37:11

Ulalengesha makumbi kusula maanshi akulengesha kubeka mumakumbi ayo moonse.

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulumbaisha 109:14

Mwaami Lesa akeebaluke shibiibi sha bamashali babo bakulukulu alimwi atakalekeleliiwo shibiibi sha banyina.

Kulumbaisha 130:8

Lakwe ngweshi akalubule bene Isilaeli kuswa kushibiibi shabo shoonse.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulumbaisha 51:9

Amufutatile shibiibi shangu akushiminganya bubi bwangu boonse.

Kulonga 18:9

Jetulo ndyaakanyumfwa makani oonse aya, wakasangalala

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 1:27

Mwaami Lesa ulaakulubula Siyoni ceebo ca bululami bwakwe. Ulaakulekelela baabo basanduka kuswa kushibiibi shabo.

Isaya 31:6

Ono Lesa waamba ayi, “Nobene Isilaeli mwakambishisha akungashukila. Ono bulya amusandukile kuli ndime.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 18:23

Sombi mwebo noBaami baLesa mulishi mbobampingite kuncaya. Mutabalekeleli bubi bwabo, nabi kushiminganya shibiibi shabo pameenso anu. Abakakomwe kunembo lyanu alimwi mukabacitile shintu ishi kamukalalite.”

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Jelemiya 33:8

Ndaakubasalasha kuswa kushibiibi isho nshebakambishila. Ncakwiila ndaakulekelela shibiibi shabo alimwi abwaashu bwabo.

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Sekaliya 1:3

Sombi ntoomulwiita mwebo ayi, ‘Amusandukile kuli ndime anebo nsandukile kuli ndimwe.

Sekaliya 3:4

Mpeeke munjelo uyo wakaambila bamwi bakalinga kwiimfwi kunembo lyakwe ayi, “Amumufuule shakufwala shakwe shishipite.” Lyalo wakaambila Joshuwa ayi, “Bona ndakusha shibiibi shako, ono ntookufwalika shakufwala shamakwebo.”

1 Bene Kolinto 6:20

Lesa wakamuula amweelo unene, aboobo amusebenseshe mibili yanu mukumupa bulemu.

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”