Isaya 44:13 - Baibo Busansulushi Bwa Libuku Ili

¹³ Alakwe shikubesa mapulanga ulatalatala ncaasuni kubesa. Lyalo ulatalika kubesa cili anga ngumuntu. Ulabesa muntu mubotu kwaamba ayi abike muŋanda yakulambililaamo.

Isaya 44:13 Marejeleo ya Msalaba

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

Matalikilo 31:30

Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”

Matalikilo 31:32

Nacibi boobo na mucane kwaamba ayi womwi pakati kesu ulicite balesa banu, uyo utoocaikwa. Ono pameenso abeshikamukowa besu, amulangoole na kuli cintu canu nceendi aco. Na mucicaane mubwese.” Jakobo taakalinga kwishi ayi Lakelo ngowakeepa balesa abo.

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

Isaya 41:7

Ucibwene shakupangapanga ulaambila shikufula shintu sha golodi ayi, ‘Wacita kabotu!’ Shikuuma cibumbwabumbwa ansando ayi ceelane akuteshima, ulayumyayumya shikucipopa ayi acinunganye. Na nkutentelela balaamba ayi, ‘Kwabota abuumbi.’ Lyalo cibumbwabumbwa ico balacipopa amisomaali kwaamba ayi ciimikane cakutawa.

Isaya 44:14

Cimwi ciindi inga watimbula cisamu ca sida ayi asebenseshe, nabi mubanga nabi cisamu ca paini kuswa mumusaansa. Cimwi ciindi inga washangabo cisamu ca paini ciitwa ayi laulelo akulindila mfula ayi ilokeleewo kwaamba ayi cikule.

Esekelo 8:10

Aboobo ndakenjila, ndalangalanga akubona lubumbu loonse kalutalitwe nsoka ashinyama shitasalalite kweelana aMilawo. Mwakalinga kutalitwe ashibumbwabumbwa shoonse bene Isilaeli nshebakalinga kulambila.

Esekelo 8:11

Kunembo lya nshisho kwakalinga kwiimfwi bamaloba ba bene Isilaeli bali 70, kubikaawo aJaasaniya mwanaakwe Shafani. Womwi awomwi wakalinga kucite cakutentelawo tununkila kabotu mulyaansa lyakwe, kakusuntabo bwiishi bwa tununkila kabotu.

Esekelo 8:12

Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”

Milimo ya Batumwi 17:29

Paceebo ceeco, swebo tuli bana bakwe Lesa, tatweelete kuyeeya ayi Lesa inga wapangwa na mwasungulula libwe lya golodi, silifa nabi kubeswa mulibwe lili lyoonse kwiinda mubuuya amaano a muntu.

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Dutolonomi 4:28

Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.

Boomboloshi 18:24

Mika wakabakumbula ayi, “Mwantolela balesa bangu mbondakalipangila alimwi mwanyaya amupailishi wangu. Nebo taaku ancemwanshiilaawo. Mwamana mutoonjipusha ayi, ‘Ino cakupensha nciinshi?’ ”