Isaya 43:25 - Baibo Busansulushi Bwa Libuku Ili

²⁵ “Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 43:25 Marejeleo ya Msalaba

2 Makani 6:21

Kamunyumfwila mipailo yangu aya bantu banu bene Isilaeli na balanga kuŊanda yanu pakupaila. Amutukutike kwiculu uko nkomwikala akutulekelela shibiibi shesu.

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Kulumbaisha 25:11

Ono ceebo ca ndimwe noBaami baLesa amulekelele bubi bwangu nabi mbuunji.

Kulumbaisha 25:7

Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.

Kulumbaisha 51:3

Shilubo shangu shoonse ndishishi, ncakwiila kubisha kwangu ndakwiibaluka.

Kulumbaisha 51:4

Ndakabishisha ndimwe, ee, mwebo nweenka, ndakacita cintu cibiibi pameenso anu. Ndushinisho mulalulika kuŋamba ayi ndilubite, alimwi tamukwe kulubya kumpa mulandu.

Kulumbaisha 51:9

Amufutatile shibiibi shangu akushiminganya bubi bwangu boonse.

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 37:35

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 48:11

Ono coonse nceentoocita, ntoocicita ceebo ca bulemu bwa liina lyangu. Teshi nkalekelele liina lyangu kumana bulemu nabi kuleka umwi uli woonse ayi alemekwe mbuli ndime. Bulemu ubo bulyeeletebo ndime neenka.”

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Isaya 64:9

NoBaami baLesa mutakalalilibo limwi pali ndiswe cakutabooshamo myoyo. Muteebaluki shibiibi shesu kwamuyayaya mukwiinga soonse tuli bantu banu.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Esekelo 18:22

Shibiibi shakwe shoonse shilaakulekelelwa alimwi ulaakuba abuumi ceebo cakucita shintu shiluleme.

Esekelo 20:14

Sombi nshikwe kucita boobo ceebo ico nicakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:22

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:9

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Esekelo 33:16

Shibiibi shakwe shoonse nshaakacita teshi shikeebalukwewo tubili ceebo wacita shintu shakutanyengelela alimwi shiluleme. Ndushinisho muntu uyo ulaakuba abuumi.

Esekelo 36:22

“Paceebo ceeco lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Teshi nkacite shintu nsheshi nkacite ceebo canu nobene Isilaeli. Sombi ndaakushicita ceebo ca liina lyangu lisalalite ilyo ndimwakabisha pakati ka mishobo iyo njemwakaya mukwikalaako.

Esekelo 36:32

Ntooyanda kumushibisha ayi nshitoocita shintu ishi ceebo ca ndimwe, sobwe. Amunyumfwe nsoni akulisenda pamicito yanu mwebo nobene Isilaeli. Nebo neMwaami Lesa Shinkusu shoonse ndaamba.’ ”

Maako 2:7

“Ino uyu muntu utokwaambilanshi bobulya? Nkucobola Lesa uku! Ngani weenga walekelela shibiibi? Sa te nguLesa eenkabo?”

Luka 5:21

Ingayi bafundishi ba Milawo alimwi abaFalisi bakatalika kwiipushanya ayi, “Ino ngani uyu utoocobola Lesa? Ngani weenga walekelela shibiibi? sa te nguLesa eenkabo?”

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

Bene Ebulu 10:17

Kuboolaawo, wakaamba alimwi ayi, “Teshi nkayeeyewo shibiibi shabo amicito yabo ibiibi.”

Bene Ebulu 8:12

Ndaakulekelela bubi bwabo, alimwi shibiibi shabo teshi nkashiibalukeewo.’ ”