Isaya 43:23 - Baibo Busansulushi Bwa Libuku Ili

²³ Mwakacileka kundetela mbelele sha milambu yakutenta, nabi kundemeka kwiinda mukubenga milambu yanu imwi. Nebo nshikwe kumupawo mikuli ya shipo sha fulaulo, nabi kumulemya kukumusesa ayi mundetele tununkila kabotu pakutenta.

Isaya 43:23 Marejeleo ya Msalaba

Amosi 5:25

“Nobene Isilaeli, sa mwakalinga kumbengelawo milambu mumyaaka makumi one njomwakekala muluyanga?

Mateyo 11:30

Mukwiinga lijoko lyangu ndyuubu alimwi amukuli wangu nguniini.”

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Jelemiya 7:22

Mukwiinga ndyendakakusha bamashali banu bakulukulu muIjipiti, nshikwe kubapabo milawo ya pamilambu yakutenta nabi pamilambu imwi.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Bene Lefi 2:1

“Ono na muntu uli woonse waleta cipo ca fulaulo, ulyeelete kutaanguna kwaapela. Ulyeelete kubikaako amafuta a olifi alimwi atununkila kabotu,

Kulonga 30:34

Mwaami Lesa wakaambila Mose alimwi ayi, “Ukabwese tununkila kabotu twiitwa ayi sitakiti, onika, galubanamu alimwi afulankinsensi.

Bene Lefi 24:7

Mumindando yoonse yobilo, mubikewo tununkila kabotu ayi cibe anga ncipo ca cakulya kuli ndime neMwaami Lesa pamusena wa shimaande.

Tushimpi 3:9

Lemeka Mwaami Lesa abuboni bwako boonse ansoomo sha shisepo sha mumuunda wako.

Jelemiya 7:21

“Mwaami Lesa Shinkusu shoonse, Lesa wa bene Isilaeli waamba ayi, ‘Amutolelele, musenkanye milambu yanu yakutente amilambu imwi ibengwa, mulye anyama iyo nobeene.

Mika 6:3

Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!

Neyemiya 13:10

Ndakacana alimwi ayi shipansha sheelete kupekwa bene Lefi, teshakalinga kupekwa kuli mbabo. Aboobo beshikwiimba abene Lefi bamwi bakaboolela womwi awomwi kumuunda wakwe.