Biblia Todo Logo
Biblia ya mtandaoni

- Matangazo -




Isaya 43:19 - Baibo Busansulushi Bwa Libuku Ili

19 Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Tazama sura Nakili




Isaya 43:19
26 Marejeleo ya Msalaba  

Wakacalula mwaandami, lyalo maanshi akaswa. Akakunka anga ngumulonga kuya muluyanga.


Nobaami baLesa amutulengeshe kuswitilila alimwi bweenka mfula mboileta maanshi mutulonga twa muluyanga.


Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.


Ono bushiku balwani banu baakucaikwa, maandaabo alaamfu a beshikulindila aakuwa, tulonga tulaakukunka kuswa mutulundu toonse, tunene atuniini.


Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.


Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.


Luyanga lulaakusangalala alyalo liwesa lilaakusangalala akusapula maluba.


Ndaakulengesha mulonga kukunka pakati ka tulundu tutacitewo shisamu. Tuntupu tulaakunookunka maanshi kuya mushinyika. Ndaakulengesha luyanga kuba amashiba mashiba a maanshi. Mulunjumwa mulaakusulabo tuntupu twa maanshi.


Ndaakulengesha shisamu sha sida, akasha, mishikili asha maolifi kumena muluyanga. Ndaakulengesha shisamu sha mapaini kumena kushishi sha kumbo. Ee, shisamu sha mapaini shipusenepusene shilaakumena mumusena womwi.


Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”


Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’


“Shintu shoonse ishi mwakashinyumfwaawo kale, bulya mulyeeletebo kusumina ayi ndakaamba lushinisho. Kuswa sunu ndaakumulwiita shintu shimwi shipya, ee, shintu shishisitwe isho nshemutana kunyumfwaawo kale.


Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.


“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.


Mwaami Lesa utokwaamba ayi, “Ciindi cilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’


Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”


Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.


Kuswawaawo Mose wakatambika nkoli mwiculu akuuma mumwaandami mankanda obilo. Mpeeke maanshi aanji abuumbi akakunka kuswa mumo, alimwi bantu boonse bakanwa pantu pomwi ashifubwa shabo.


Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.


Wakamutanjilila muluyanga lunene alimwi luyoosha lulya, muli nsoka shicite buyoka bucaya alimwi antalaŋongo. Mulya taamu maanshi, sombi wakalengesha maanshi kukunka kuswa mulibwe ceebo ca ndimwe.


Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”


Tufuate:

Matangazo


Matangazo