Isaya 42:25 - Baibo Busansulushi Bwa Libuku Ili

²⁵ Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Isaya 42:25 Marejeleo ya Msalaba

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Jobo 40:11

Langa beshikulisumpula, ubakalalile akubabombya.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 57:1

Bantu bakwe Lesa abo bashomeka balafwa, nakubi boobo taaku nabi womwi ucibika kumaano. Bantu bashomeka balatolwa, sombi taaku ushiba kwaamba ayi baluleme balatolwa mukufunwa kububi.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Isaya 9:13

Bene Isilaeli tabakwe kusanduka kuswa kushibiibi shabo. Nakubi kwaamba ayi Mwaami Lesa Shinkusu shoonse wakabatondesha bukali bwakwe, tabakwe kupilukila kuli nguwe.

Isaya 9:19

Nceceeco bukali bwa Mwaami Lesa Shinkusu shoonse ncebwatentela cishi alimwi bantu baba nsheenkuni shitoobilimya mulilo uyo. Ono taaku nabi womwi weshi akafwite nkumbu mukwabo.

Jelemiya 12:11

Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Malilo 2:3

Mubukali bwakwe buyoosha wakanyaya Isilaeli nkusu shoonse. Wakakaka kubacafwa balwani babo ndibakesa. Wakanyaka kubamulunyungu lwakwe Jakobo, bweenka bubilima mulilo utenta shintu shoonse shili pafwaafwi.

Malilo 2:4

Weeleka buta bwakwe bweenka mbuli mulwani. Ncakwiila lyaansa lyakwe lyalulyo lyalibambila. Wakamana kucaya bantu boonse balinga kutukonda bweenka bucita mulwani. Wakapukula bukali bwakwe anga ngumulilo pandabala inene ya Siyoni.

Esekelo 20:34

Ndaakumuboosha kuswa kumishobo imwi alimwi amushishi umo momwakapalanganina alyaansa lyangu lyankusu, lyaansa litambitwe alimwi abukali buyoosha.

Osiya 7:9

Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.