Isaya 42:19 - Baibo Busansulushi Bwa Libuku Ili

¹⁹ Sa kuliiwo ushinkite matwi mbuli musebenshi wangu? Sa kuliiwo moofu mbuli shinkombe ngoontuma? Ngani ushinkite matwi wiinda shinkombe wangu? Anu ngani moofu uli anga ngumusebenshi wangu neMwaami Lesa?

Isaya 42:19 Marejeleo ya Msalaba

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 29:18

Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Isaya 43:8

Lesa waamba ayi, “Bantu bangu amubeete bese kunkuta. Meenso ncakwiila balicite, sombi tababoni. Matwi ncakwiila balicite, sombi tabanyumfwi.

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 6:9

Wakaamba ayi, “Koya kubantu aba mukubalwiita ayi, ‘Mulaakukutikishisha, sombi teshi mukanyumfwishishe, Mulaakulangilishisha, sombi teshi mukabonesheshe.’ ”

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Mateyo 13:13

Ndabalwiita mushikoshanyo ceebo nabi balangilisha, sombi tababoneshi alimwi nabi balakutika, sombi tabanyumfwi nabi kunyumfwishisha.

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Joni 9:39

Lyalo Jesu wakaamba ayi, “Ndakesa pacishi ca panshi mukoombolosha ayi abo boofu babone, abaabo babona bapofole.”

Joni 9:41

Jesu wakabaambila ayi, “Nemwalinga boofu naakwiinga kamutacite mulandu ceebo ca shibiibi shanu. Ono mukwiinga mutokwaamba ayi, ‘Tulabona,’ nkokwaamba ayi munanoolibo amulandu wanu.”

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.