Isaya 42:12 - Baibo Busansulushi Bwa Libuku Ili

¹² Amulumbaishe Mwaami Lesa. Amwambilishe bulemu bwakwe nobamushishi sha muloombe lwa lweenge.

Isaya 42:12 Marejeleo ya Msalaba

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Kulumbaisha 66:2

Amwiimbe nyimbo shisumpula liina lyakwe lya bulemu. Amumupe bulemu akumulumbaisha.

Kulumbaisha 97:1

Mwaami Lesa ngoolela, aboobo nobamucishi ca panshi amukondwe. Amwebo nomwikala pansumbu sha palweenge amusangalale.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.