Isaya 42:11 - Baibo Busansulushi Bwa Libuku Ili

¹¹ Oluyanga amandabala ako amumulumbaishe. Mwebo nobantu bene Keda amumulumbaishe! Amwebo momwikala mundabala inene ya Sela amoolobeshe ceebo cakusangalala ee, amoolobeshe peculu lya tulundu.

Isaya 42:11 Marejeleo ya Msalaba

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

Kulumbaisha 120:5

Mapensho kuli ndime ceebo ndishiite pakati ka bantu bali anga mba kuMesheki ncakwiila anga ndishiite pakati ka bene Keda.

Isaya 12:5

Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.

Isaya 16:1

Amutumishe bana ba mbelele kumuleli wa cishi ayi ncipo cakumulemeka. Kuswa kuSela mucilingane luyanga tibili muye mushike kuJelusalemu, ee, kukalundu ka Mwaana mwanakashi wakwe Siyoni.

Isaya 21:16

Mpeeke Mwaami Lesa wakandwiita ayi, “Mwaaka womwi wakwanabo, kulisumpula kwa mishobo ine Keda kunanoomanite bweenka bumana cipangano cakusebensa ca mwaaka womwi.

Isaya 32:16

Koombolosha cakutanyengelela kulaakukumanabo cishi coonse. Ncakwiila bululami teshi bukashiye musena mucishi camboleshi ico.

Isaya 35:1

Luyanga lulaakusangalala alyalo liwesa lilaakusangalala akusapula maluba.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Isaya 40:3

Muntu utokoolobesha ayi, “Muluyanga amubambeemo nshila ya Mwaami Lesa! Ee, amululikile mukwakwa Lesa wesu muluyanga.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 49:31

“Amunyamuke mukalwane mushobo wa bantu uliibite. Toolisukami nabi comwi. Mushobo uyo toocite ndabala icite mwinjililo nabi mpingilo. Ulilishiitilebo kwakubula akwakucicila.

Esekelo 27:21

“ ‘Bene Alebya abamaami boonse bene Keda bakalinga kuleta bana ba mbelele, mbelele shisankwa alimwi ampongo mukushintana amakwebo ako.

Obadiya 1:3

Kulisumpula kwa myoyo yanu kwamubeca. Mukwiinga mulekala mulilinga lya myaandami, alimwi ŋanda yanu ili peculu, mulaamba mumyoyo yanu ayi, ‘Ngani weenga watuboosha panshi?’

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.