Isaya 41:9 - Baibo Busansulushi Bwa Libuku Ili

⁹ ndakamukusha kweela lya cishi. Ncakwiila ndakamwiita kuswa kwiine kulaale. Ndakaamba ayi, ‘Mwebo muli basebenshi bangu.’ Ndakamusala alimwi nshikwe kumukaka, sobwe.

Isaya 41:9 Marejeleo ya Msalaba

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 41:2

“Ngani wakasongaanya shinkusu ulya kuswa kwicwe alimwi akumulengesha kuya cikoma kuli koonse nkweenga waya? Ngani upa nkusu shakukoma bamaami amishobo ya bantu? Ncakwiila mipeeni yakwe ilabalengesha kubabo anga ndusuko. Ee, mata akwe alabalengesha kuululuka anga mbuungu.

Isaya 41:8

“Sombi mwebo nobene Isilaeli nobasebenshi bangu, nobamulunyungu lwakwe Jakobo, bantu mbondakasala, ee, nobamulunyungu lwakwe Abulaamu mweensuma,

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 44:1

Ono Mwaami Lesa waamba ayi, “Amukutike mwebo nobamulunyungu lwakwe Jakobo, nobasebenshi bangu. Amukutike nobene Isilaeli mukowa ngondakasala.

Isaya 45:4

Ceebobo ca basebenshi bangu bamulunyungu lwakwe Jakobo, ee, bene Isilaeli bantu abo mbondakasala, ndakakwiita liina lyako akukupa cuuna ca bulemu nakubi kwaamba ayi toonshiiwo.

Malaki 1:2

Mwaami Lesa ulaambila bantu bakwe ayi, “Nebo ndimusuni lyoonsebo.” Sombi balo baleepusha ayi, “Ino ulitusuni buyani?” Lyalo Mwaami Lesa ulakumbula ayi, “Sa te Esau wakalinga munene wakwe Jakobo? Nakubi boobo, ndisuni Jakobo abamulunyungu lwakwe,

Luka 13:29

Bantu balaakuswa kwicwe akumbo, kumatwa akumalenge kwisa mukulya muBweene bwakwe Lesa.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.