Isaya 40:9 - Baibo Busansulushi Bwa Libuku Ili

⁹ Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 40:9 Marejeleo ya Msalaba

2 Makani 13:4

Abija wakeemikana paKalundu ka Semalaimu mucishi ca tulundu ca Efuleemu akwaamba ayi, “Webo Jeloboamu anobene Isilaeli, amunkutike!

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Isaya 52:6

Muciindi citoosa bantu bangu balaakwishiba ayi ndime Lesa. Ncakwiila pabushiku ubo balaakwishiba kwaamba ayi ndime ndakaambila limwi ayi ici cilaakucitika. Ee, ndime ndakacaamba, taaku aumwi.”

Isaya 58:4

Peculu lya waawo, kulikasha kulya kwanu kuleela mukwaambana. Muloomana makoofi mukusebensesha maansaanu ayo atasalalite. Mulalyatilila bantu bamusebensela. Ono sa mutooyeeya ayi kulikasha kulya kwanu kwa mushobo uyu inga kwalengesha ayi nebo nyumfwe kusenga kwanu kwiculu?

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Naamu 1:15

Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Milimo ya Batumwi 2:14

Mpomunyaawo Pita wakanyamuka abatumwinyina bali likumi awomwi akutalika kwaambila likoto lya bantu muliswi lya peculu ayi, “Mwebo nobaJudama amwebo noonse nomwikala muJelusalemu, amukutike alimwi munyumfwishishe makani aya mbwaabete.

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

Milimo ya Batumwi 4:29

Ono bulya Nkambo, amubone mbobatukonga. Anu amutupe nkusu swebo sobasebenshi banu ayi tushimikile maswi anu cakubula boowa.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Pita 3:14

Sombi nabi mukapenshekwe ceebo ca bululami, kuli ndimwe ncoolwe. Mutaloondi bantu nabi kulisukama.

Boomboloshi 9:7

Ono Jotamu ndyaakanyumfwa boobo, wakaya paKalundu ka Gelisimu akoolobesha ayi, “Amunyumfwe mwebo nobantu ba kuShekemu, kwaamba ayi alakwe Lesa amunyumfwe.