Isaya 40:2 - Baibo Busansulushi Bwa Libuku Ili

² Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Isaya 40:2 Marejeleo ya Msalaba

Matalikilo 34:3

Mpeeke wakamukonda abuumbi mwanakashi uyo, aboobo wakeelesha kumunyengelela.

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Kulumbaisha 32:1

Balicite coolwe abo Lesa mbwaalekelela shibiibi shabo, abo bacite shibiibi nshaakashiminganya!

Kulumbaisha 85:3

Mwakashisa bukali bwanu boonse Mwakakasha bukali bwanu bwiindaawo.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 14:3

Mwaami Lesa ulaakwaangulula bene Isilaeli kuswa kushuumo, mapensho alimwi akuncito iyumu iyo njebakalinga kukakatishikwa kucita.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 49:25

Sombi Mwaami Lesa waamba ayi, “Ncakwiila basha balaakubwesekwa kuswa kuli shilumamba ucibwene kulwana. Buboni bwakasaalwa bulaakubooshekwa kuswa kubakali. Ndaakulwana muntu uli woonse ulwana ndimwe alimwi bana banu ndaakubapulusha.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 53:5

Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Isaya 54:15

Ono uli woonse weshi akakulwaane, teshi akacite boobo mukutumwa kuli ndime, sobwe. Paceebo ceeco uli woonse weshi akakulwaane ulaakukomwa.”

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 6:7

Lyalo wakakumya mulomo wangu alikalangasha ilyo akwaamba ayi, “Bona, likalangasha ili lyakumya mulomo wako. Milandu yako yakushikwa pali ndiwe alimwi shibiibi shako shalekelelwa.”

Isaya 61:7

Pamusena wakwaamba ayi bantu bakwe balenshekwe nsoni, shoolwe shilaakunoosa mambili kuli mbabo. Ncakwiila pamusena wakwaamba ayi basebaanishikwe, balaakunoosangalalabo mucishi ncebakapekwa. Balaakunokwaabilwa shipansha nshobilo mucishi cabo. Lyalo balaakunoosangalala kwalyoonse alyoonse.

Isaya 66:13

Bweenka mwanakashi mbwaaumbulusha mwanaakwe mbweeke ubo anebo mbweshi nkamuumbulushe. Minsonshi yanu pandabala ya Jelusalemu ndaakwiimana.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 17:18

Boonse bampensha, abalenshekwe nsoni. Sombi nebo amumfuune ayi ntalenshekwi nsoni. Balo abaloonde, sombi nebo amumfuune ayi ntaloondi. Amubanyonyoole, ee, kubanyonyweetabo limwi.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Jelemiya 51:10

Bene Isilaeli bakaamba ayi, “Mwaami Lesa watula patuba kululama kwesu, amwise tuye twaambilishe muSiyoni isho Mwaami Lesa, Lesa wesu nshaatucitila.”

Malilo 4:22

Nobene Siyoni, mulandu wanu wamana. Mwaami Lesa teshi akamulekele mubusha. Sombi mwebo nobene Edomu utoomupa mulandu. Ncakwiila micito yanu ibiibi ulaakwiibika patuba.

Esekelo 16:42

Lyalo bukali bwangu buyoosha bulaakumana abukali bwangu bwa busuba pali ndiwe bulaakuswa. Ndaakubooshamo moyo cakutakalalaawo tubili.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Danyelo 9:2

Mumwaaka wakutaanguna wa bwaami bwakwe, nebo neDanyelo ndakalinga kubelenga Malembo akwe Lesa akuyeeya shamyaaka ili 70 iyo ndabala ya Jelusalemu njeshi ikanooli matongo, kweelana aMwaami Lesa mbwaakalwiita Jelemiya mulaluki.

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:16

“Paciindi ico balaakunoonjita ayi beebaangu, teshi bakanjitewo tubili ayi baBaali bangu. Nebo neMwaami Lesa ndaamba.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Sefaniya 3:15

Mwaami Lesa wakacileka kukupa mulandu. Wakatandaanya balwani bako boonse. Mwaami Lesa, Mwaami wa bene Isilaeli, uli awebo. Teshi ukaloondewo tubili cibiibi cili coonse ceshi cikakupolele.

Sekaliya 1:13

Mwaami Lesa wakakumbula munjelo maswi abotu akuumbulusha.

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Sekaliya 9:12

“Amuboole mwebo nomuli mucishi ca busha, ee, mwebo nomucite kulangila. Amupiluke kucishi uko nkomutacite cakulisukama. Bulya ndashomesha ayi ndaakumubooshesha shoolwe shobilo palipensho lyomwi alyomwi ilyo ndyemwakeendaamo.

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.