Isaya 40:11 - Baibo Busansulushi Bwa Libuku Ili

¹¹ Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 40:11 Marejeleo ya Msalaba

Matalikilo 33:13

Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa.

Matalikilo 49:24

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 27:10

Ee, bata abama inga bakonsha kunsuula, sombi Mwaami Lesa ulaakundama kabotu.

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Isaya 42:3

Teshi akatyole litete lisendeme kale, nabi kushimya lilampi litooyanda kushimika. Ulaakuleta bululami ubo cakushomeka.

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 31:8

Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.

Esekelo 34:15

Nebo nemwiine ndaakuba mweembeshi wa mbelele shangu alimwi ndaakushicanina mulela wakookesheshaawo. Nebo neMwaami Lesa Shinkusu shoonse ndaamba.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Esekelo 34:2

“Webo omuntu, Laluka mapensho pabeembeshi ba bene Isilaeli akubalwiita ayi nebo neMwaami Lesa Shinkusu shoonse ndaamba ayi, ‘Mapensho kubeembeshi ba bene Isilaeli abo balilama beene beenka! Sa beembeshi tabeelete kulama litanga?

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Esekelo 34:31

“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”