Isaya 37:16 - Baibo Busansulushi Bwa Libuku Ili

¹⁶ “NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Isaya 37:16 Marejeleo ya Msalaba

Matalikilo 1:1

Kumatalikilo Lesa wakalenga liculu acishi ca panshi.

2 Samwelo 7:26

kwaamba ayi liina lyanu linokwiinditewobo bulemu kwanshiku shoonse. Lyalo bantu bakanokwaamba ayi, ‘Ee, Mwaami Lesa Shinkusu shoonse nguLesa weendelesha bene Isilaeli!’ Munshila iyo mulaakupa coolwe bamulunyungu lwangu nebo nemusebenshi wanu ayi bakanookweendelesha bene Isilaeli lyoonsebo.

1 Baami 18:32

Wakayaka cipaililo cakulambililaawo Mwaami Lesa amabwe ayo. Wakakaba cilindi mweela ceelete kwisula maanshi akwana mpashi malita ali 14.

1 Baami 8:6

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

2 Baami 5:15

Wakaboolela kuli Elisha abantu bakwe boonse akumwaambila ayi, “Ono ndeshiba ayi taaku Lesa umwi, sombibo Lesa wa bene Isilaeli. Ono nkambo, ndaseenga ayi mutambule cipo kuswa kuli ndime nemusebenshi wanu.”

Esila 1:3

Lesa abe amwebo noonse nomuli mumaansaakwe. Mulyeelete kuya kuJelusalemu mukuyaka Ŋanda ya Mwaami Lesa, Lesa wa bene Isilaeli, Lesa ulambilwa muJelusalemu.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.

Kulonga 25:22

Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Isaya 37:15

akupaila ayi,

Isaya 37:20

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Isaya 40:28

Sa tamwishi? Sa tamukwe kunyumfwaawo kale? Mwaami Lesa ngoLesa wamuyayaya uyo wakalenga cishi ca panshi coonse. Taaleemi nabi kukopoka alimwi taaku ukonsha kwishiba peela miyeeyo yakwe.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Isaya 8:13

Koibaluka kwaamba ayi nebo neMwaami Lesa Shinkusu shoonse ndisalalite. Ndime ngooelete kuloonda akulemeka.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

1 Samwelo 4:4

Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.