Isaya 36:6 - Baibo Busansulushi Bwa Libuku Ili

⁶ Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

Isaya 36:6 Marejeleo ya Msalaba

2 Baami 17:4

Sombi mwaaka umwi Osheya wakatuma nkombe kuli So mwaami wa bene Ijipiti kusenga lucafwo kuli nguwe. Wakacileka kupa misonko ya pamwaaka amwaaka kumwaami wa bene Asilya. Shalimanesa ndyaakanyumfwa cikani ico, wakacata Osheya akumubika muntolongo.

2 Baami 18:21

Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

Kulumbaisha 146:3

Mutaciinki manungo mubamaami, mbantubo tabakoonshi kumufuna.

Tushimpi 25:19

Kucinka manungo mumuntu utashomeki ciindi ca mapensho kuli anga nkutafunina kuliino litootenkaana nabi kweendela kumweendo ulema.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.

Esekelo 17:17

Falawo mwaami wa bene Ijipiti alikoto lyakwe lya bashilumamba liyumu teshi bakamucafweeko munkondo baakuyaka shakutantaawo pakulwana akukaba shilindi kwaamba ayi bacaye bantu baanji.

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”