Isaya 34:1 - Baibo Busansulushi Bwa Libuku Ili

¹ Mwebo nobaswamashi noonse. Amusene pafwaafwi alimwi akuteya matwi. Amukutikishe mwebo nomishobo imwi yoonse. Ee, cishi coonse cinyumfwe ashintu shoonse shikalaamo!

Isaya 34:1 Marejeleo ya Msalaba

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Kulumbaisha 96:10

Amwaambile mishobo yoonse ayi, “Mwaami Lesa ngumwaami. Cishi ca panshi ciliimfwi mumusena womwi, aboobo tacitenkaani. Lesa uyo ulaakoombolosha bantu boonse cabululami.”

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 33:13

Mwebo nomuli kulaale, amunyumfwe nshendacita. Amwebo nomuli pafwaafwi noonse amwishibe nkusu shangu.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 48:16

“Ono amusene pafwaafwi, munyumfwe nshentokwaamba. Kuswabo kumatalikilo nebo ndaambilabo limwi patuba alimwi lyoonse ndalengesha maswi angu kucitika cancinencine.” Ono Mwaami Lesa Shinkusu shoonse wampa Mushimu wakwe akuntuma.

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Isaya 63:1

Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”

Jelemiya 22:29

Ocishi, ocishi, ocishi, nyumfwa maswi a Mwaami Lesa!

Jelemiya 49:7

Pabene Edomu Mwaami Lesa Shinkusu shoonse wakaamba ayi, “Sa busongo bwakamana muEdomu? Sa beshikupandaako maano bakamana? Sa busongo bwabo bwakashimingana?

Esekelo 38:17

Sa teshi ndiwe ndakalinga kwaambaawo munshiku shakeenda kwiinda mubasebenshi bangu balaluki ba muIsilaeli? Ciindi ico bakalaluka myaaka iinji ayi ndaakukuleta kwisa mukubalwana. Nebo neMwaami Lesa ndaamba.”

Obadiya 1:1

Ishi nshesheeshi Mwaami Lesa nshaakayubulwita Obadiya anga muciloto. Makani aya atokwaamba pabene Edomu. Mwaami Lesa wakatuma shikwiimikaninaako kumishobo imwi yoonse alimwi twakanyumfwa makani akwe akwaamba ayi, “Amulibambile! Tiya tukalwaane abene Edomu.”

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

Dutolonomi 32:1

“Kutika, oliculu nshentokwaamba, nyumfwa, ocishi ca panshi maswi angu.

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Boomboloshi 5:3

Amukutike mwebo nobamaami, munyumfwe mwebo nobeendeleshi. Nebo ntokwiimbila mwaami Lesa, ntokwiimbila Mwaami Lesa, Lesa wa bene Isilaeli.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.