Isaya 33:9 - Baibo Busansulushi Bwa Libuku Ili

⁹ Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 33:9 Marejeleo ya Msalaba

Jobo 15:33

Lyalo ulaakuba anga ngumunyansa uyo ulosha shisepo sha nguwo kashitana kupya. Ee, ulaakuba anga ncisamu ca maolifi ico cilosha maluba a ncico.

Lwiimbo lwakwe Solomoni 2:1

Nebo ndi liluba lya kuShaloni. Ee, ndi liluba lya kushinyika.

Isaya 10:34

Mwaami Lesa ulaakubatema akubawisha anga nshisamu shatemwa mukati ka musaansa. Ee, bweenka buwa shisamu shilaamfu sha kuLebanoni kukeembe!

Isaya 14:8

Ashalo shisamu sha mapaini asha sida sha kuLebanoni shitoosekelela ceebo ca kuwa kwako. Shitokwaamba ayi, ‘Ono bulya mbowabooshekwa panshi, taaku beshikutema beshi bakese mukututema.’

Isaya 2:13

Ulaakunyonyoola shisamu sha sida shoonse sha kuLebanoni, alimwi amibanga yoonse ya kuBashani.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Isaya 35:2

Luyanga lulaakwiimba cakusangalala. Lulaakubotabo anga ntulundu twa Lebanoni akuba amboleshi anga njimyuunda ya kuKamelo nabi kuShaloni. Bantu boonse balaakubona bulemu bwa Mwaami Lesa, ee, balaakwishiba nkusu abulemu nshaacite.

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Jelemiya 50:19

Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Milimo ya Batumwi 9:35

Mpeeke bantu boonse bakalinga kwikala muLida amuShaloni ndibakabona Enisi, abalo bakasanduka akushoma muMwaami Jesu.

Dutolonomi 3:4

Paciindi ceenka ico twakabwesa mandabala anene akwe oonse kutashiya nabi yomwi. Mandabala oonse akabwesekwa akalinga makumi osanwe ayomwi, nkokwaamba ayi cishi coonse ca Aligobu cakalinga kweendelesha mwaami Ogi wa kuBashani.