Isaya 33:7 - Baibo Busansulushi Bwa Libuku Ili

⁷ Amubone, bantu babo batacite boowa batokoolobesha mumikwakwa. Beshikwiimikanina babo abo bakaya mukusenga luumuno batoolila abuumbi.

Isaya 33:7 Marejeleo ya Msalaba

2 Baami 18:18

Mpomunyaawo bakeeta mwaami Esekiya. Lyalo bacinenenene bakwe botatwe bakaya mukubakumanya. Pakalinga Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa kubwalo.

2 Baami 18:37

Lyalo Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a buleelo bakakwamoona shakufwala shabo kubuumba. Mpeeke bakaya mukulwiita mwaami Esekiya isho shakaamba mutanjilili wa bashilumamba ba bene Asilya.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 36:22

Lyalo Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a bulelo bakakwamoona shakufwala shabo kubuumba. Mpeeke bakaya mukulwiita mwaami Esekiya isho shakaamba mutanjilili wa bashilumamba ba bene Asilya.

Isaya 36:3

Lyalo bacinenenene bakwe Esekiya botatwe bakaya mukubakumanya. Pakalinga Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a buleelo.