Isaya 33:6 - Baibo Busansulushi Bwa Libuku Ili

⁶ Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

Isaya 33:6 Marejeleo ya Msalaba

2 Baami 18:7

Paceebo ceeco Mwaami Lesa wakalingaakwe alimwi wakalinga kuswitilila mushintu shoonse nshaakalinga kucita. Mpeeke wakabukila mwaami wa bene Asilya akukaka kumusebensela.

Jobo 4:6

Sa kulambila Mwaami Lesa kwako kwakubula kampenda takukupi kushoma? Sa lushomo lwako talukoonshi kukukalika caamba?

Kulumbaisha 140:7

NoBaami baLesa noBeshinkusu shoonse, Bapulushi bangu, ndimwe mumfuna pabushiku bwa nkondo.

Kulumbaisha 28:8

Mwaami Lesa ngoopa nkusu bantu bakwe, ngoofuna akupulusha mwaami uyo ngwaakasala.

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Tushimpi 14:24

Bubile ncilambu ca basongo, sombi buluya bulashala buluyanyina.

Tushimpi 14:26

Uyo woonse uloonda Mwaami Lesa ulicite kwakuyuba. Ndushinisho ulicite kwakuyuba uko bana bakwe nkweshi bakacicile.

Tushimpi 14:27

Kuloonda Mwaami Lesa nkokantupu ka buumi ceebo kalo nkokakusha muntu mutoose twa lufu.

Tushimpi 15:16

Ncintu cibotu kuba abuboni buunji na kooloonda Mwaami Lesa kwiinda kuba mubile uyo uli mumapensho.

Tushimpi 19:23

Kuloonda Mwaami Lesa nkokuletela buumi, lyalo muntu ulekala kwakubula cakulisukama alimwi kwakubula makatasho.

Tushimpi 2:5

Lyalo ulaakwishiba kuloonda Mwaami Lesa alimwi ulaakuba alushibo loonse lwa pali Lesa.

Tushimpi 28:2

Na cishi kacicite baashu cilaba abaleli baanji, sombi muntu ucite maano akunyumfwisha shintu alushibo ulalelabo caluumuno.

Tushimpi 29:4

Kwiinda mukoombolosha kululeme, mwaami ulalengesha cishi cakwe kushimpa, sombi uyo usuni bunene makulo, ulacimwaya.

Shikushimikila 7:12

Busongo bulafuna kushintu shiinji bweenka bufuna maali, ee, bulafuna buumi bwa wooyo ubucite. Ncakwiila iyo njempindu ya lushibo.

Shikushimikila 7:19

Busongo bulapa muntu womwi nkusu kwiinda baleli bali likumi mundabala.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 32:17

Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 33:20

Amulangilishe paSiyoni ndabala yakusekelela kupa bulemu kuli Lesa. Ndabala ya Jelusalemu mulaakwiibona ameenso anu. Nindabala ya luumuno iyo ili anga nitente icatite cankusu. Nitente icite mpoopo shitakoonshi kushuka alimwi antaambo shitakoonshi kusutuka napaceyi.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

1 Timoti 6:6

Ee, kupaila kulabilisha muntu abuumbi, kulilabo na ulabona ayi isho nshaacite nshiinji.