Isaya 33:4 - Baibo Busansulushi Bwa Libuku Ili

⁴ Shintu shisaalwa sha bamumishobo shilabwesekwa cakumaninina anga ncisoshi ceenda mumuunda. Ncakwiila balwani babo boolukila shintu isho anga ncisoshi.

Isaya 33:4 Marejeleo ya Msalaba

2 Makani 14:13

alakwe Asa abashilumamba bakwe bakabakonkela kuya mukushika kuGela. Bene Kushi baanji bakacaikwa cakwaamba ayi tabakwe kucikonsha kulibungabunga ayi balwane alimwi. Mwaami Lesa abashilumamba bakwe bakabakoma, mpeeke bashilumamba abo bakasaala shintu shiinji.

2 Makani 20:25

Kuswawaawo Jeoshafati abashilumamba bakwe bakaya mukusaala shintu sha balwani babo. Bakacanaako ŋombe shiinji, shakulya, shakufwala ashintu shimwi sha makwebo. Cakabatolela nshiku shotatwe kababwesa shintu, sombi shakalinga shiinji cakwaamba ayi tabakwe kukonsha kushibwesa shoonse.

Isaya 33:23

Intambo sha maato a balwani shasutooka, cisamu cicata shisani shakweensheshako bwaato citooshunkuma, ashalo shisani shakweensheshako bwaato tashitoofunguluka. Paceebo ceeco shintu nsheshi tukasaale shilaakufula abuumbi cakwaamba ayi pakubaana, abalema boonse balaakubwesaako.

Isaya 33:3

Paciindi liswi lyanu ndyeliluluma, mishobo ya bantu ilacica. Na mwakalala akunyamuka, mishobo imwi ilamana kupalangana.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Esekelo 25:7

Ono ceebo cakwaamba ayi mwakacita boobo, anebo ndaakutambika lyaansa lyangu akulengesha ayi mukasaalwe kumishobo imwi. Ndaakumunyonyoola cakumaninina kwaamba ayi teshi mukabewo tubili mushobo nabi kuba acishi caanu. Lyalo ndyeshi mukeshibe ayi nebo ndi Mwaami Lesa.’ ”

Jowelo 1:4

Shishango shakacaala kucisoshi cimwi, nsoshi shinene shakesa mukushilya. Shishango shakacaala kunsoshi shinene, twana twa nsoshi twakesa mukushilya. Shishango shakacaala kutwana twa nsoshi, Nsoshi shimwibo shakesa mukushilya.

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Jowelo 2:3

Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.

Jowelo 2:9

Cilacica kuya pandabala inene, akucicila palubumbu lwa njiyo. Cilatanta kumaanda akwinjilila pambwelyo bweenka bucita beepi.