Isaya 33:21 - Baibo Busansulushi Bwa Libuku Ili

²¹ Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 33:21 Marejeleo ya Msalaba

Kulumbaisha 29:3

Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 33:17

Lyalo muntu uyo ulaakubona mwaami mubulemu bwakwe alimwi ulaakubona acishi citandabukite mumbasu shoonse kulaale.

Isaya 41:18

Ndaakulengesha mulonga kukunka pakati ka tulundu tutacitewo shisamu. Tuntupu tulaakunookunka maanshi kuya mushinyika. Ndaakulengesha luyanga kuba amashiba mashiba a maanshi. Mulunjumwa mulaakusulabo tuntupu twa maanshi.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 48:18

“Nebakanyumfwila akukonkela milawo yangu, naakwiinga luumuno lulakunkabo anga ngamaanshi mukalonga. Ncakwiila bululami nibwalinga kusefooka anga ngamaaba a mulweenge mbwaacita muloombe.

Isaya 66:12

Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Shakubelenga 23:21

Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

Milimo ya Batumwi 7:2

Sitifini wakakumbula ayi, “Nobamakwesu anobashali bangu basankwa amunyumfwe, Lesa wa bulemu wakaboneka kuli ishiwesu Abulaamu ndyaakalinga kwikala kuMesopotamya kaatana kulongela kundabala ya Alani.

Dutolonomi 23:15

“Ono na musha umwi waloboka mwaami wakwe, ono wesa mukuyuba kuli ndimwe, mutamubooshi kumwaami wakwe.