Isaya 33:16 - Baibo Busansulushi Bwa Libuku Ili

¹⁶ Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Isaya 33:16 Marejeleo ya Msalaba

1 Baami 19:6

Wakalangalanga wabona shinkwa womwi wakayokwa pamakalangasha anongo ya maanshi pafwaafwi akumutwi wakwe. Wakalya akunwa akuboolela mutulo alimwi.

Kulumbaisha 107:41

Sombi bapengete wakabakusha mumapensho abo, akufusha bamumaandaabo anga ngamatanga a shifubwa.

Kulumbaisha 111:5

Ngoopa shakulya bantu bamulemeka. Uleebaluka cipangano cakwe ciindi coonse

Kulumbaisha 15:1

NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?

Kulumbaisha 18:33

Ulanengesha kulyata panshi cakushimpa, alimwi ulandama ciindi ndyeemba patulundu.

Kulumbaisha 33:18

Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.

Kulumbaisha 34:10

Nkalamu shilawisuka akufwa kunsala, sombi abo banyumfwila Mwaami Lesa, taaku cintu cibotu ncebabula.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulumbaisha 62:7

Lupulusho lwangu abulemu shilaswa kuli Lesa, Ngomwaandami uyumu nta alimwi nceciyubilo cangu

Kulumbaisha 90:1

NoBaami baLesa, muli ndimwe motuyubila. Ncakwiila motuyubila mumashalane esu oonse.

Kulumbaisha 91:14

Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”

Tushimpi 1:33

Sombi abo boonse banyumfwila ndime, balekala kwakubula cakulisukama. Balekala muluumuno kwakubula cakuloonda nabi comwi.”

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 30:20

Nakubi kwaamba ayi Mwaami Lesa ulaakumwiinsha mushiindi shiyumu, ulaakunooli amwebo alimwi ulaakunoomwiisha. Teshi mukamuyandoolewo tubili.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Isaya 49:10

Teshi bakanyumfweewo nsala nabi nyotwa. Lisuba nabi ceeselela ca muluyanga teshi cikabaciseewo mukwiinga balaakutanjililwa awooyo ubasuni. Ncakwiila ulaakubatola kutuntupu twa maanshi.

Isaya 58:14

ingayi mulaakucana kusangalala muli ndime neMwaami Lesa. Ndaakumulengesha kweendelesha cishi coonse. Mulaakulya bubotu bwa cishi ico ncendakapa bamulunyungu lwakwe Jakobo. Nebo neMwaami Lesa ndaamba.”

Jelemiya 37:21

Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Abakuku 3:19

Mwaami Lesa ngoompa nkusu shoonse. Ulanengesha kulyata panshi cakushimpa alimwi ulandama ciindi ndyeemba patulundu.

Mateyo 6:11

Amutupe sunu shakulya nshetubula.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”