Isaya 33:1 - Baibo Busansulushi Bwa Libuku Ili

¹ Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 33:1 Marejeleo ya Msalaba

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Isaya 17:14

Macolesha kabaloondesha! Sombi na bwaca macuunsa bacica. Anu ubo mbweshi cikabe kubaabo boonse batusaala, ee, kubaabo batubwesela buboni.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 31:8

“Cishi ca Asilya cilaakunyonyoolwa kunkondo. Nakubi boobo teshi maansa a bantu eshi akacite boobo, sobwe. Bene Asilya balaakwiicica nkondo iyo, bacikula bwangu babo balaakucatwa cibalu.

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Sefaniya 3:19

Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Ciyubululo 17:17

Balaakucita boobo ceebo Lesa walengesha kwaamba ayi banoocita coonse ncaasuni, kwiinda mukunyumfwana kupa nkusu shabo shakweendelesha kumunyama kushikila shoonse Lesa nshaakaamba shikacitike cancinencine.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Boomboloshi 9:23

Kuswawaawo Lesa wakatuma muuya ubiibi uyo wakalengesha bene Shekemu kupata Abimeleki. Lyalo bakamubukila.