Isaya 31:2 - Baibo Busansulushi Bwa Libuku Ili

² Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 31:2 Marejeleo ya Msalaba

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.

Bene Loma 16:27

Kuli Lesa womwibo uyo ucite busongo mushintu shoonse, akube bulemu lyoonse kwiinda muli Jesu Klistu. Ameni.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Esekelo 29:6

Lyalo boonse bekala mucishi ca Ijipiti ndyeshi bakeshibe ayi nebo ndi Mwaami Lesa.’ ” Mwaami Lesa waamba ayi, “Bene Isilaeli bakacinka manungo mubene Ijipiti, sombi ico cakalingabo anga nkushimpila kulitete.

Jelemiya 36:32

Mpomunyaawo ndakabwesa cakulembelaawo cimwi akucitambika mulembi wangu Baluki mwanaakwe Neliya. Baluki uyo wakalembawo shoonse nshendakamulwiita. Lyalo wakalemba maswi oonse akalinga pacakulembelaawo citaanshi ico Jeoiyakimu mwaami wa bene Juda ncaakatenta mumulilo. Maswi aanji eelenebo aayo ngondakamulwiita akeelikwaawo.

Jelemiya 10:7

Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.

Isaya 30:3

Ono kutabililwa kuli Falawo kulaakumulensha nsoni. Shimfule sha mucishi ca Ijipiti shilaakumuletela musebaanyo.

Isaya 28:21

Ono Mwaami Lesa ulaakunyamuka bweenka mbwaakacita paKalundu ka Pelasimu. Ulaakukalala bweenka mbwaakacita muCinyika ca kuGibyoni. Ulaakucita mulimo wakwe nabi cikaboneke ayi nceensu. Mulimo wakwe ulaakuumanisha, ee, mulimo wakwe uyo wabushishi.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.

Joshuwa 23:15

Ono bweenka mbwaakamupa shintu shibotu shoonse kweelana ambwaakashomesha, mbweeke ubo ulaakucita kuli ndimwe shibiibi isho shoonse nshaakaamba na mukamufutatile kushikila akamane kumunyonyoola kuswa mucishi cibotu cino ncaakamupa.

Shakubelenga 10:35

Kulilabo na Libokoshi lya Cipangano lyanyamuka, Mose wakalinga kwaamba ayi, “Amunyamuke noBaami baLesa, amupalanganye balwani banu boonse akulengesha baabo bamupatite kucica!”

Jobo 5:13

Ulacatisha basongo kwiinda mubucenjeshi bwabo alimwi ulafulunganya maano abacenjete cakufwambaana.

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 14:20

Teshi ukabikwe bubikwa bamaaminyoko mukwiinga wakanyonyoola cishi cako akucaya bantu bako. Bamulunyungu lwako webo omucita shibi teshi bakanyumfwikeewo tubili.

Isaya 28:29

Busongo boonse ubo bulaswa kuMwaami Lesa Shinkusu shoonse, ee, kuli Lesa uyo ukankamanisha mukupanda maano amubusongo bwakwe.

Jobo 12:13

Nakubi boobo Lesa taacitebo busongo, sombi ankusu alimwi Lesa taacitebo maano eenka, sombi alushibo.

Jobo 12:16

Lesa ngomwine nkusu abusongo, bantu bacenjeekwa abeshikubacenjeeka bali mumaansaakwe.

Isaya 21:17

Basankwa bene Keda mbobeendaawo kubula boowa kumata, sombi mbaniinibo beshi bakacaaleewo. Nebo neMwaami Lesa, Lesa wa bene Isilaeli ndaamba.”

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”