Isaya 30:22 - Baibo Busansulushi Bwa Libuku Ili

²² Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 30:22 Marejeleo ya Msalaba

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 31:7

Ono ciindi cilaakushikila ndyeshi mukasowe shibumbwabumbwa shanu sha silifa asha golodi isho maansaanu acita shibiibi nshaakapanga.

Isaya 40:19

Amubone, calo cibumbwabumbwa ngumuntu ucipanga. Lyalo ucibwene kupangapanga sha golodi ulacinanika golodi akucipangila ncetani sha silifa.

Isaya 46:6

Amubone bantu balakusha golodi mumpotomona shabo, balabika silifa pashipimo akuupima. Lyalo balalipila bacibwene kufula sha golodi ayi abapangileko lesa. Mpeeke balatalika kufukamina lesa uyo akumulambila.

Malilo 1:17

“Nebo neSiyoni ndatambika maansaangu, sombi taaku nabi womwi usuni kuncafwa. Mwaami Lesa waanga mulasho wakwaamba ayi beshimukoboma babe balwani bangu. Nebo neJelusalemu ndaba musena utasalalite pakati kabo.

Esekelo 14:6

“Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.

Esekelo 18:6

Muntu uyo kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina nabi kukumana amwanakashi wakubala.

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Bene Lefi 13:52

Kuswawaawo mupailishi ulaakucitenta mukwiinga nkubunda kuya ciindaawo. Nkokwaamba ayi cilyeelete kunyonyoolwa amulilo.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.