Isaya 30:18 - Baibo Busansulushi Bwa Libuku Ili

¹⁸ Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 30:18 Marejeleo ya Msalaba

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.

Tushimpi 16:20

Uyo woonse ukonkela milasho ulaakuswitilila. Ulicite coolwe uyo ucinka manungo muMwaami Lesa.

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Kulumbaisha 34:8

Amweeleshe, mutoobona ayi Mwaami Lesa ngumubotu. Ulicite coolwe muntu uyuba muli nguwe.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Isaya 55:8

Mwaami Lesa waamba ayi, “Miyeeyo yangu teebete mbuli yaanu. Ashalo nshila shangu shilipusene ashaanu.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Jelemiya 17:7

“Sombi ulicite coolwe muntu uyo ucinka manungo muMwaami Lesa, ndushinisho uyo ushoma muli nguwe.

Jemusi 5:11

Tulaamba ayi balicite coolwe ceebo tabakwe kuboola pesule mulushomo. Mwakanyumfwa shakutaboola pesule kwakwe Jobo asheesho Mwaami Lesa nshaakamucitila kumeelelesho ceebo Mwaami uyo ngushinkumbu shiinji abuumbi.

Isaya 5:16

Sombi Mwaami Lesa Shinkusu shoonse ulaakusumpulwa ceebo ca koombolosha cakutanyengelela kwakwe. Mubululami Lesa usalalite ulaakutondesha ayi ncakwiila ulisalalite.

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Kulumbaisha 84:12

NoBaami baLesa Beshinkusu shoonse, balicite coolwe abo bacinkite manungo muli ndimwe.

Jobo 35:14

Ino webo inga wakunyumfwila buyani na utokwaamba ayi toomuboniiwo? Mulandu wako ulishikite kale kuli nguwe, aboobo kolindililabo webo.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Isaya 42:14

Mwaami Lesa waamba ayi, “Ndoomuna kwaciindi cilaamfu. Ndalinga kuumwitebo akukomenya caamba. Ono bulya ndibo anga ngumwanakashi utooyanda kutumbuka. Ntootweekabo akooloma alimwi akupulumpunta kubukali.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 33:2

NoBaami baLesa amutunyumfwile luse mukwiinga taaku aumwi ngotucinkitemo manungo. Kamutupa nkusu macuunsa lyoonse akuba bapulushi besu ciindi ndituba mumapensho.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 48:9

“Ceebobo cakwaamba ayi liina lyangu kalipekwa bulemu, ndacelwa kukalala. Ee, ceebobo cakwaamba ayi noolumbaishikwa, ndakomenyabo moyo pali ndimwe. Ndacita boobo kwaamba ayi ntamunyonyooli.

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Isaya 64:4

Ncakwiila kuswabo kale kale taaku wakanyumfwaawo nabi kubonaawo Lesa uli mbuli ndimwe, Lesa uyo ucitila baabo balangila muli nguwe.

Jelemiya 42:7

Ndipakeenda nshiku shili likumi Liswi lya Mwaami Lesa lyakesa kuli ndime neJelemiya.

Danyelo 12:12

Ulicite coolwe muntu uyo ulindilila akushika kumeelelesho a nshiku shili 1,335.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.