Isaya 3:1 - Baibo Busansulushi Bwa Libuku Ili

¹ Amubone! Mwaami Lesa, Mwaami Lesa Shinkusu shoonse utooyanda kukusha lucafwo lwakwe lwa mushobo uli woonse muJelusalemu amucishi ca Juda. Utooyanda kucileka kubapa shakulya amaanshi.

Isaya 3:1 Marejeleo ya Msalaba

2 Baami 25:3

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Kulumbaisha 105:16

Mwaami Lesa wakaleta nsala mucishi cabo akunyonyoola shakulya shabo shoonse.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Isaya 36:12

Mutanjilili uyo wakakumbula ayi, “Sa mutooyeeya ayi mwaami wangu wantuma ayi nse ŋambe makani aya kuli ndimwebo amwaami wanu? Sobwe, ntoolwiita abantu bashiite palubumbu abo beshi bakalye tushi akunwa mikonso yabo beene bweenka mbuli ndimwe.”

Isaya 5:13

Aboobo bantu bangu balaakuya mucishi ca busha ceebo cakutanyumfwa kwabo. Bamatanjilili babo balaakumana kufwa kunsala abantubo boonse balaakumana kufwa kunyotwa.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Jelemiya 37:21

Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.

Jelemiya 38:9

“Nomulemekwa, cacita bantu aba kuli Jelemiya mulaluki cakumubika mumukalo ncilubo. Mumukalo mulya ulaakufwabo kunsala shakulya shoonse shikamaane mundabala inene ino.”

Jelemiya 52:3

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

Jelemiya 52:6

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Malilo 5:4

Maanshi akunwa tuloola akuula. Ashalo nkuni kushibona nkuula.

Esekelo 14:13

“Webo omuntu, na cishi cabisha mukutashomeka kuli ndime, nebo ndaakutandabika lyaansa lyangu mukunyonyoola shakulya sha ncico. Ndaakutuma nsala pabantu ayi bafwe pantu pomwi ashifubwa shabo.

Bene Lefi 26:26

Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Mika 4:9

Ono ceebonshi utoolila cakoolobesha? Sa toocite mwaami? Sa beshikukupandako maano bamana kuloba ico cakulengesha kupenga anga ngumwanakashi uli pankanta?