Isaya 29:9 - Baibo Busansulushi Bwa Libuku Ili

⁹ Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Isaya 29:9 Marejeleo ya Msalaba

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 19:14

Mwaami Lesa wabatilila muuya wa cinshiingwa, batoolengesha bamucishi ca Ijipiti kutalantanta mushintu shoonse nshebatoocita, bweenka cakolwa mbwaatalantanta mumaluko akwe.

Isaya 29:1

Mapensho kuli ndiwe Jelusalemu ocipaililo cakwe Lesa. Ee, ondabala inene umo Defedi mwakayaka misumba. Ncakwiila apeendebo mwaaka womwi nabi yobilo, akwalo kusekelela kucitwa muli njiyo akutolelelebo.

Isaya 29:10

Mwaami Lesa wamulengesha kushinshila ayi moone cakufwa. Balaluki abo bali anga ngomeenso anu wabacala pameenso. Ee, wacala meenso a beshikubona abo bamutanjilila.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 56:10

Beshikulindilila ba bene Isilaeli mboofu, ncakwiila tabacite lushibo. Boonse balibo anga mbakabwa batakuwi. Balo ncito koona akulota alimwi koona balikusuni abuumbi.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Isaya 63:6

Ndakabalyatoola paciindi ndindakalinga kukalalite. Ceebo cakufundililwa kwangu ndakabalengesha kukolwa akutila bulowa bwabo panshi.”

Jelemiya 13:13

Lyalo ubaambile ayi, ‘Nebo neMwaami Lesa ndaakukolesha bantu boonse bekala mucishi cino kubikaawo abamaami bamulunyungu lwakwe Defedi, bapailishi, balaluki abantu boonse bekala muJelusalemu.

Jelemiya 2:12

Loonda oliculu pacikani ici alimwi tutuma aboowa buunji.

Jelemiya 23:9

Pabalaluki, nebo neJelemiya ndaamba ayi, “Moyo wangu woongumana abuumbi, amumafuwa angu moonse mutootutuma. Ceebobo ca Mwaami Lesa alimwi amaswi akwe asalalite, ndababo anga ngumuntu ukoletwe, ncakwiila anga ngumuntu wanwa bunene waini.

Jelemiya 25:27

“Kuswawaawo ukabaambile ayi nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Amunwe, mukolwe, mulilukaanine akuwita limwi cakutabukawo ceebo ndaakutuma nkondo pakati kanu.’

Jelemiya 4:9

Mwaami Lesa waamba ayi, “Pabushiku ubo mwaami abacinenenene bakwe balaakutyongola. Bapailishi balaakuloonda abalaluki balaakukankamana.”

Jelemiya 51:7

Babiloni wakalinga anga ninkomeshi ya golodi mumaansaangu akulengesha cishi coonse ca panshi kukolwa. Mishobo ya bantu yoonse yakanwa waini wakwe. Aboobo paciindi cino ilicinkukite.

Malilo 4:21

Bulya amusekelele akukondwa mwebo nobene Edomu, mwebo nomwikala mucishi ca Usi. Amwebo mulaakupekwa nkomeshi ya mapensho. Mulaakukolwa akufuulwa shakufwala.

Abakuku 1:5

Lyalo Mwaami Lesa wakaambila bantu bakwe ayi, “Kamulangilishabo mishobo imushingulukite alimwi mulaakukankamana nceshi mukabone. Ndaakucita cintu munshiku shanu ico nceshi mukabule kushoma nabibo muntu umwi akamusansulwite.

Mateyo 26:45

Lyalo wakaboolela kubashikwiiya bakwe akubaambila ayi, “Sa abobulya mucilete akunocookesha? Amubone, ciindi cashikila, MwanaaMuntu ono utokwaabwa mumaansa a bamucita shibi.

Maako 14:41

Ndyaakaboola lyatatu, wakabeepusha ayi, “Sa abubulya mucilete akunoocookesha? Ono bulya camana! Ciindi cashikila. Amubone, MwanaaMuntu ono utokwaabwa mumaansa a bamucita shibi.

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.