Isaya 29:16 - Baibo Busansulushi Bwa Libuku Ili

¹⁶ Mulasandamuna shintu shoonse, mwebo mulayeeya ayi shikubumba ulyeelenebo ashintu nshaabumba. Ono sa cakabumbwa inga caambila wakacibumba ayi, “Teshi ngowakamumba?” Nabi na nongo inga yaambila shikubumba ayi, “Toocishi ncootoocita?”

Isaya 29:16 Marejeleo ya Msalaba

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Milimo ya Batumwi 17:6

Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene!

Kulumbaisha 103:14

Ceebo ulishi mbwaakatulenga, ulishi ayi twakaswa kubulongo.

Isaya 10:15

Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”