Isaya 29:10 - Baibo Busansulushi Bwa Libuku Ili

¹⁰ Mwaami Lesa wamulengesha kushinshila ayi moone cakufwa. Balaluki abo bali anga ngomeenso anu wabacala pameenso. Ee, wacala meenso a beshikubona abo bamutanjilila.

Isaya 29:10 Marejeleo ya Msalaba

Kulumbaisha 69:23

Amubalengeshe kupofola! Amulengeshe misana yabo kubula ncito!

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

Isaya 43:27

Amubone mushali wanu mutaanshi wakabisha, bamatanjilili banu bakangashukila.

Isaya 44:18

Bantu ba mushobo uyo taaku ncebeshi, tabanyumfwishi. Meenso abo akacalwa ayi batanoobona atwalo tulango twabo twakashindamina ayi batakoonshi kwishibaawo cintu nabi comwi.

Jelemiya 4:9

Mwaami Lesa waamba ayi, “Pabushiku ubo mwaami abacinenenene bakwe balaakutyongola. Bapailishi balaakuloonda abalaluki balaakukankamana.”

Malilo 4:14

Bulya batooya cipampanshila kwakuya anga mboofu. Balisombelete abuumbi kubulowa mbobakatila. Aboobo taaku muntu nabi womwi weenga wabakumya.

Esekelo 14:9

“ ‘Ono na mulaluki akacenjeekwe mukukumbula shabubeshi, ngayi nebo neMwaami Lesa ndime ndamucenjeeka. Nakubi boobo muntu uyo ndaakumukaka akumukusha kuswa pakati ka bantu bangu bene Isilaeli.

Mika 2:6

Bantu balaŋambila ayi, “Cileke kulaluka, ee, cileke kulaluka pamakani aya. Lesa teshi akatulekelele ayi tusebaane.

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Mika 3:6

Paceebo ceeco mashiku alaakwisa alimwi teshi muboneewo cili anga nciloto. Ncakwiila munshinshe ulaakwisa alimwi teshi mukasondeewo napaceyi. Lisuba lilaakwipila kubalaluki abo, ndushinisho kulaakuboolabo mbi kuli mbabo.

Bene Loma 11:8

Mbweeke bwaamba Malembo akwe Lesa ayi, “Lesa wakalengesha ayi babe beshicimpamya ono abobulya tababoni alimwi tabanyumfwi.”

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

1 Samwelo 26:12

Aboobo Defedi wakabwesa lisumo alimwi akankuli ka maanshi pafwaafwi amutwi wakwe Saulo, lyalo bakaya. Taaku wakabona nabi kwishiba cakacitika alimwi taaku nabi womwi wakapapuka. Boonse bakalinga kulete mukwiinga Mwaami Lesa wakabalengesha ayi boone cakufwa.

1 Samwelo 9:9

Ono paciindi ico muIsilaeli, mulaluki wakalinga kwiitwa ayi shikubona. Aboobo muntu wayanda kuya mukwiipusha Lesa mwiipusho, wakalinga kwaamba ayi, “Tiya tukabone shikubona.”