Isaya 29:1 - Baibo Busansulushi Bwa Libuku Ili

¹ Mapensho kuli ndiwe Jelusalemu ocipaililo cakwe Lesa. Ee, ondabala inene umo Defedi mwakayaka misumba. Ncakwiila apeendebo mwaaka womwi nabi yobilo, akwalo kusekelela kucitwa muli njiyo akutolelelebo.

Isaya 29:1 Marejeleo ya Msalaba

2 Samwelo 5:9

Mpeeke Defedi wakaya mukwikala mundabala ya mulilinga iyo akwiitumba ayi Ndabala yakwe Defedi. Lyalo wakayaka ndabala ya Jelusalemu kushinguluka lilinga. Wakatalikila kuMilo akuya mukushika kulilinga.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Isaya 29:9

Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Isaya 31:9

Ciyubilo cabo cilaakuwa ceebo ca boowa. Nkondo yaakukalala bamatanjilili babo ba bashilumamba balaakucica.” Mwaami Lesa uyo ucite mulilo muSiyoni, ee, ucite ciiko muJelusalemu waamba.

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 7:21

“Mwaami Lesa Shinkusu shoonse, Lesa wa bene Isilaeli waamba ayi, ‘Amutolelele, musenkanye milambu yanu yakutente amilambu imwi ibengwa, mulye anyama iyo nobeene.

Osiya 5:6

Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Osiya 9:4

Teshi mukanoopawo shipo sha shakunwa kuMwaami Lesa. Ayalo milambu yanu teshi ikanoomusangalashaawo napaceyi. Kuli ndimwe milambu yanu iyo ilaakunoobabo anga ncakulya ca pamalilo. Ncakwiila boonse balyaako balaakulengeshekwa kutanoosalalite kweelana aMilawo. Cakulya canu cilaakunoolibo ca mafumo anu, kuteshi kuletwa amuŊanda ya Mwaami Lesa.

Bene Lefi 23:4

“Ono nshiku shakusekelela nsheshi mukaambilishe pashiindi sheelete, nsheeshi.

Bene Ebulu 10:1

Milawo ya baJuda teshi nsheshoolwe shancinencine, sombi ileemikaninabo shoolwe isho shitoosa. Milambu ya mushobo womwi ilabengwa mwaaka amwaaka. Sombi Milawo taikoonshi kusalasha bantu besa kuli Lesa kwiinda mumilambu iyo.