Isaya 28:18 - Baibo Busansulushi Bwa Libuku Ili

¹⁸ Cipangano canu alufu cilaakubula nkusu, ncakwiila kusuminishanya kwanu amusena wa bafu kulaakumana ncito. Shiyoosha shaakumupolela, shilaakumana kumulobya.

Isaya 28:18 Marejeleo ya Msalaba

Isaya 7:7

Sombi nebo neMwaami Lesa ndaamba ayi, ‘Ici teshi cicitikeewo, alimwi teshi cibewo boobo, sobwe!

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 28:3

Bwaami bwa bene Efuleemu balisumpula alimwi bacakolwa ncakwiila bulaakulyatoolwa.

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Ciyubululo 12:15

Mumulomo wa nsoka iyi, mwakaswa maanshi aanji kwaamba ayi aswengule mwanakashi uyo.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Esekelo 17:15

Sombi mwaami wa bene Juda lakwe wakaashuka akutuma beshikumwiimikanina kuIjipiti kuya mukuleta maaki alikoto lya bashilumamba linene. Sa muntu uyu ulaakuswitilila? Sa uyo weenga wacita sha mushobo uyo inga wapuluka? Sa inga wakonsha kupwaya cipangano amana wapuluka?’

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 44:28

Sombi baniini pakati kanu balaakuloboka nkondo akuboolela kucishi ca Juda kuswa kuIjipiti. Lyalo baJuda abo beshi bakacaaleewo pabaabo bakesa mukwikala muIjipiti ndyeshi bakeshibe ayi ngamaswi akwe ni alushinisho. Sa ngaangu na ngabo?

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Isaya 2:15

Ulaakumwayoola maanda alaamfu pantu pomwi amalinga ayumu oonse.

Isaya 5:5

“Ono nceshi nkacite kumuunda wangu nceeci. Ndaakumwaya lushito lwa nguwo, lyalo muunda uyo ulaakunyonyoolwa. Ndaakupwaya lubumbu luutabilila, lyalo mulaakulyatoolwa abanyama bamuluundu.

Jelemiya 19:7

Mumusena uno ndaakunyonyoola miyeeyo ya bene Juda aya bene Jelusalemu. Ndaakulengesha balwani babo kubakoma akubacaya munkondo. Mituntu yabo ilaakuba shakulya sha bayuni abanyama bamuluundu.

Jelemiya 2:37

Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Malilo 4:17

Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.

Esekelo 13:11

Aboobo ambila baabo balushingula abulongo butuba ayi lubumbu lwabo lulaakuwa. Ndaakutuma mfula inene abuumbi, mfula ya mabwe ilaakwisa pali ndulo alimwi cipuupu cinene cilaakulupuupila.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.