Isaya 27:3 - Baibo Busansulushi Bwa Libuku Ili

³ Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.

Isaya 27:3 Marejeleo ya Msalaba

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Matalikilo 9:9

“Ntoopanga cipangano bulya amwebo, pantu pomwi abamulunyungu lwanu,

1 Baami 8:59

Mwaami Lesa, Lesa wesu aaingashile mupailo uyu ashasengwa shoonse. Aanyumfwile nkumbu bene Isilaeli amwaami wabo lyoonse kweelana ashiyandika kuli mbabo bushiku abushiku.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Isaya 31:5

Ncakwiila bweenka muyuni mbwaalelemba peculu lya ciinswa ca bana bakwe mukubatabilila, mbweeke ubo nebo neMwaami Lesa Shinkusu shoonse mbweshi nkatabilile ndabala ya Jelusalemu akwiifuna.”

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Esekelo 34:11

“ ‘Nebo neMwaami Lesa Shinkusu shoonse ndamulwiita ayi ndaakulilangweeta mbelele shangu akusheembela.

Esekelo 34:24

Nebo neMwaami Lesa ndaakuba Lesa wa nshisho alimwi mwaami wamulunyungu lwakwe Defedi musebenshi wangu ulaakunooshilela. Nebo neMwaami Lesa ndaamba.

Esekelo 37:14

Ndaakubika Mushimu muli ndimwe amwebo mulaakuba abuumi alimwi ndaakumulengesha kwikala mucishi canu. Lyalo mulaakwishiba ayi nebo ndi Mwaami Lesa nendashomesha kucita boobo alimwi ndaakucicita. Nebo neMwaami Lesa ndaamba.’ ”

Esekelo 37:28

Mishobo yaakubona ayi ndabika Ŋanda yangu pakati kabo kwalyoonse alyoonse, ilaakwishiba ayi nebo neMwaami Lesa ndakasala bene Isilaeli kuba bantu bangu.’ ”

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.