Isaya 26:15 - Baibo Busansulushi Bwa Libuku Ili

¹⁵ “NoBaami baLesa, mwalengesha mushobo wesu kukomena. Mwakomenesha manyinsa a cishi cesu mumbasu shoonse. Paceebo ceeco mulapekwa bulemu.

Isaya 26:15 Marejeleo ya Msalaba

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

1 Baami 8:46

“Ono na bantu banu bamubishisha ceebo taaku muntu nabi womwi utabishi, lyalo mubukali bwanu mwalengesha ayi bakomwe akutolwa busha kucishi cimwi, nabi cishi ico kacili kulaale,

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Baami 23:27

Aboobo Mwaami Lesa wakaamba ayi, “Nebo ndaakucita kucishi ca Juda ico ncendakacita kucishi ca Isilaeli. Ndaakukusha bene Juda kuswa kumeenso angu, kukaka Jelusalemu ndabala iyo njendakasala alimwi aŊanda yangu umo mondakaamba ayi mweshi noolambililwa.”

Neyemiya 9:23

Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.

Jobo 12:23

Ulakomenesha mishobo ya bantu akwiinyonyoola. Ulasumpula mishobo ya bantu akwiipalanganya.

Isaya 10:22

Ncakwiila nabi bene Isilaeli bulya mbaanji, ee, mbaanji anga ngumuseese wa kuloombe lwa lweenge, mbaniinibo beshi bakacaaleewo akuboola. Bamwi baanji babambilwa kunyonyoolwa ceebo beelela kwaamba ayi banyonyoolwe.

Isaya 33:17

Lyalo muntu uyo ulaakubona mwaami mubulemu bwakwe alimwi ulaakubona acishi citandabukite mumbasu shoonse kulaale.

Isaya 40:5

Lyalo bulemu bwa Mwaami Lesa bulaakuyubululwa. Mpeeke mishobo yoonse ilaakububona. Ee, ceebo Mwaami Lesa mwiine mbwaamba ubo.”

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 6:12

Kushikila nebo neMwaami Lesa nkatume womwi awomwi kulaale, acalo cishi coonse cikacaalebo akuba luundu.

Isaya 60:21

Lyalo bantu bako boonse balaakutalika kucita shiluleme. Acalo cishi cilaakuba cabo kwalyoonse alyoonse. Bantu bako nshishango shangu. Ncakwiila nebo nemwiine ndime ndakabalenga kwaamba ayi batondeshe bulemu bwangu.

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

Jelemiya 30:19

Lyalo bantu beshi bakekaleemo balaakunokwiimba nyimbo shakulumbaisha, akupanga ciyobeyobe cakusangalala. Ndaakubafusha cakwaamba ayi teshi bakaceyeewo, sobwe. Ndaakubalemeka cakutanyanshikwawo tubili.

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Shakubelenga 23:10

Ngani weenga wabelenga bamulunyungu lwakwe Jakobo? Ncakwiila mbaanji anga ngumuseese. Inshiku shangu anshimanishe anga ngumuntu wakwe Lesa. Amfwite muluumuno anga mbantu baluleme.”

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Joni 15:8

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.