Isaya 2:8 - Baibo Busansulushi Bwa Libuku Ili

⁸ Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Isaya 2:8 Marejeleo ya Msalaba

1 Baami 16:7

Makani akaswa kuMwaami Lesa akushinina Baasha abamuŋanda yakwe akaambwa kwiinda mumulaluki Jewu mukwiinga wa shibiibi isho nshaakacita kuMwaami Lesa. Wakasonkomona bukali bwa Mwaami Lesa, kuteshibo ceebo ca bubi ubo mbwaakacita mbweeke bwakacita mwaami Jeloboamu, sombi aceebo cakucaya bamuŋanda yakwe Jeloboamu boonse.

2 Baami 17:10

Patulundu toonse amunshaashisamu shicite shimfule shibotu bakeemika mabwe akuyaka shikoshanyo shakwe Ashela lesa mwanakashi.

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Makani 27:2

Wakacita shiluleme pameenso akwe Lesa bweenka bwakacita Usiya ishi, sombi taakwe kubisha bwakacita ishi mukutenta tununkila kabotu muŊanda yakwe Lesa. Nakubi boobo balo bantu tabakwe kucilekaawo micito yabo ibiibi.

Isaya 17:8

Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Isaya 26:13

NoBaami baLesa, baLesa besu nabi twakalelwaawo kale abamaami bamwi, sombi mwebo nweenka ndimwebo Baami baLesa besu.

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 40:19

Amubone, calo cibumbwabumbwa ngumuntu ucipanga. Lyalo ucibwene kupangapanga sha golodi ulacinanika golodi akucipangila ncetani sha silifa.

Isaya 41:29

Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 57:5

Mwebo mulasanina meenshanyama anu munshaashisamu sha mibanga, ee, kulila munshaacisamu cicite cimfule cibotu cifungulukite. Mulabenga abana banu muya tulonga kushibumbwabumbwa amunshaamabwe acengeme cakupanga cimfule cibotu.

Jelemiya 1:16

Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 11:13

Mwebo nobene Juda mulicite balesa banu baanji bweenka bubete mandabalaanu. Shipaililo nshemwakayaka shakutentelawo tununkila kabotu kuli Baali, lesa uyo ulensha bunya, nshiinji bweenka mbuli mikwakwa ya muJelusalemu.’

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Osiya 12:11

Nakubi boobo shibumbwabumbwa shilalambilwa muGilyadi. Abo bashilambila balaakunyonyoolwa. Ndushinisho bacende balabengwa muGilugala. Shipaililo uko shilaakuba milwi ya mabwe mweela lya myuunda.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Osiya 8:6

Cibumbwabumbwa ico ngumwine Isilaeli wakacibumba. Aboobo teshi lesa, sobwe! Cibumbwabumbwa cine Samaliya ico cilaakupwayoolwa mutupanshapansha!

Mika 5:12

Ndaakunyonyoola buloshi bwanu alimwi taaku weshi akalowe tubili.

Milimo ya Batumwi 17:16

Paulo ndyaakalinga kulindila Sailasi aTimoti muAtenisi, wakapenshekwa abuumbi mumoyo pakubona ndabala inene yoonse kaiswite shibumbwabumbwa nshebakalinga kulambila.

Dutolonomi 4:28

Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.