Isaya 19:23 - Baibo Busansulushi Bwa Libuku Ili

²³ Ciindi ico caakushikila kulaakuba mukwakwa unene kuswa muIjipiti kuya kuAsilya. Bene Asilya balaakunooya kuIjipiti abalo bene Ijipiti balaakunooya kuAsilya. Bene Ijipiti abene Asilya balaakulambilila pantu pomwi.

Isaya 19:23 Marejeleo ya Msalaba

Kulumbaisha 87:4

Lesa ulaamba ayi, “Ndaakulemba Ijipiti, Babiloniya, Filisitiya, Taya aKushi, pakati ka mishobo ya baabo banyumfwila.” Lyalo cilaakwaambwa ayi, “Uyu wakashalilwa mundabala ya Siyoni.”

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 11:16

Kulaakuba mukwakwa unene wakwiindaamo bene Isilaeli abo beshi bakacaaleewo pakuswa muAsilya bweenka mbokwakaba mukwakwa unene ndibakalinga kuswa mucishi ca Ijipiti.

Isaya 19:24

Ciindi ico caakushikila bene Isilaeli, bene Ijipiti abene Asilya balaakulambilila pantu pomwi. Munshila iyo mishobo iyo ilaakuleta coolwe kucishi coonse ca panshi.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 49:11

“Tulundu toonse ndaakutumwayoola kwaamba ayi pakabe pakwiinda bantu bangu. Ncakwiila ndaakubabambila mikwakwa inene ayi beendeemo.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Mika 7:12

Pabushiku ubo bene mishaanu balaakwisa kumbasu shoonse. Nkokwaamba ayi kuswa kuAsilya kwicwe, kuswa kucishi ca Ijipiti kumalenge, kuswa kucishi cili kufwaafwi aMulonga wa Yufuletisi, kuswa kweela lweenge kuya mukushika kulweenge lumwi, ee, akuswa kukalundu komwi kuya mukushika kukalundu kamwi.