Isaya 18:3 - Baibo Busansulushi Bwa Libuku Ili

³ Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 18:3 Marejeleo ya Msalaba

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 11:12

Mwaami Lesa ulaakwiimika mbembela yakwe kutondesha mishobo imwi yoonse ayi utooyobolola cipya bantu bakwe bene Isilaeli abene Juda. Ee, kuyobolola baabo bapalangene kuswa mumbasu shoonse shone sha cishi ca panshi.

Isaya 13:2

Imika mbembela ya nkondo peculu lya kalundu! Olobesha kubashilumamba akunyamuna lyaansa lyako kubasakisha kundabala inene ilya ilisumpula.

Isaya 13:4

Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 31:9

Ciyubilo cabo cilaakuwa ceebo ca boowa. Nkondo yaakukalala bamatanjilili babo ba bashilumamba balaakucica.” Mwaami Lesa uyo ucite mulilo muSiyoni, ee, ucite ciiko muJelusalemu waamba.

Isaya 49:22

Mwaami Lesa Shinkusu shoonse waamba ayi, “Ndaakupa citondesho baswamashi. Ndaakubeemikila mbembela yangu. Lyalo balaakuboosha bana banu basankwa kababayumwitwe pamaansa akunyamuna bana banu banakashi pashifushi.

Isaya 5:26

Ono Mwaami Lesa ulaakunyamuna mbembela mwiculu akwiita mishobo ili kulaale. Bantu abo ulaakubalishisha muloshi kwaamba ayi bese kuswa kweela cishi. Ncakwiila abalo balaakwisa cakufwambaana abuumbi.

Isaya 7:18

“Bushiku ubo bwaakushikila, Mwaami Lesa ulaakulishila muloshi bene Ijipiti ayi bese kuswa kweela mulonga wa Nailo anga mbaloonshi, abalo bene Asilya ayi bese anga ninsuki.

Jelemiya 22:29

Ocishi, ocishi, ocishi, nyumfwa maswi a Mwaami Lesa!

Jelemiya 51:27

“Amwiimike mbembela mucishi, amulishe lupeenga pakati ka mishobo ya bantu. Amubambe mishobo ayi baye mukulwana Babiloni. Amwiite bulelo bwakwe Alalati, Mini abwakwe Ashikenasi kwaamba ayi balwane cishi ici. Amusale mutanjilili wa bashilumamba akuleta maaki aanji mbuli cisoshi.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Mika 6:2

Amunyumfwe mwebo notulundu mulandu Mwaami Lesa ngwaapa. Amunyumfwe mwebo nolwiimbi lwa cishi ca panshi, Mwaami Lesa wapa bantu bakwe mulandu. Ncakwiila washinina bantu bakwe bene Isilaeli.

Mika 6:9

Kuloonda Mwaami Lesa mbusongo. Utokoolobesha mundabala inene ya Jelusalemu ayi, “Amukutike mwebo nobantu nomwikala mundabala inene ino.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Mateyo 13:16

“Sombi mwebo mulicite coolwe mukwiinga meenso anu alabona, aalo matwi anu alanyumfwa.

Mateyo 13:9

Lyalo Jesu wakabaambila ayi, “Uyo ucite matwi aanyumfwe!”