Isaya 15:3 - Baibo Busansulushi Bwa Libuku Ili

³ Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

Isaya 15:3 Marejeleo ya Msalaba

2 Samwelo 3:31

Lyalo Defedi wakaambila Joabu abantu boonse mbwaakalingaabo ayi, “Amukwamoone shakufwala shanu, mufwale masaka munooya cilila kunembo lyakwe Abina.” Mwiine mwaami Defedi wakalinga kuya cilila pesule lya libokoshi.

2 Baami 6:30

Mwaami ndyaakanyumfwa makani ayo, wakakwamoona mungaanjo wakwe. Bantu bakalinga pafwaafwi alubumbu bakabona ayi mwaami wakalinga kufwete masaka mukati ka mungaanjo wakwe.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Jelemiya 19:13

Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”

Jelemiya 48:37

Mitwi yoonse ilicesetwe, andesu shoonse shakakululwa. Boonse bakalinengoola kumaansa akufwala masaka mumakome abo.

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Esekelo 7:18

Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Dutolonomi 22:8

“Na wayaka ŋanda, kweela ciluli mulyeelete kuyaka akalubumbu mweela ciluli coonse kukasha kuloka. Lyalo teshi mukabe amulandu na umwi akaloke akufwa.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

1 Samwelo 5:12

Abo batakwe kufwa wakabatumina shuute. Bantu bakalila abuumbi akusenga balesa babo ayi babacaafwe.