Isaya 14:13 - Baibo Busansulushi Bwa Libuku Ili

¹³ Wakaamba mumoyo wako ayi, ‘Ntootanta kwiculu kwiine nkabike cuuna cangu ca bwaami peculu lya nyenyeenshi shakwe Lesa. Ndaakubika cuuna cangu peculu lya kalundu kakubunganinaawo, ee, peene pansonga ya kalundu kasalalite.

Isaya 14:13 Marejeleo ya Msalaba

Jobo 20:6

Nabi kulisumpula kwakwe kushike kwiculu, cakwaamba ayi amutwi wakwe washika mumakumbi,

Kulumbaisha 48:2

Siyoni, kalundu kakwe Lesa kasalalite nkalaamfu cakweebeleka. Nindabala inene ya Mwaami Shinkusu iyo isangalasha cishi ca panshi coonse.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Esekelo 27:3

Lwiita cishi ici ciyakitwe kweela lweenge ico cicita makwebo abantu baanji bekala muloombe lwa lweenge ayi nebo neMwaami Lesa Shinkusu shoonse ndaamba ayi, ‘Webo Taya, wakalilumbaisha ceebo ca kubota kwako.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 28:9

Sa ulaakunoocaamba ayi uli lesa pameenso abeshikukucaya? Ulaakunooli muntubo, kuteshi lesa mumaansa a baabo beshi bakakucaaye.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 31:10

“Paceebo ceeco nebo neMwaami Lesa Shinkusu shoonse ndaamba ayi, ‘Ono ceebo cakwaamba ayi cakalaampa cakuyanda kushika amumakumbi alimwi akulisumpula kwa ncico ceebo ca kulaampa,

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Obadiya 1:3

Kulisumpula kwa myoyo yanu kwamubeca. Mukwiinga mulekala mulilinga lya myaandami, alimwi ŋanda yanu ili peculu, mulaamba mumyoyo yanu ayi, ‘Ngani weenga watuboosha panshi?’

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Mateyo 11:23

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu! Mukwiinga shaankamiko isho naakwiinga shakacitilwa muSodoma, naakwiinga ndabala iyi keeciliiwo asunu.

Luka 10:15

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu!”

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”