Isaya 13:4 - Baibo Busansulushi Bwa Libuku Ili

⁴ Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Isaya 13:4 Marejeleo ya Msalaba

Isaya 17:12

Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Isaya 48:14

“Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

Isaya 5:26

Ono Mwaami Lesa ulaakunyamuna mbembela mwiculu akwiita mishobo ili kulaale. Bantu abo ulaakubalishisha muloshi kwaamba ayi bese kuswa kweela cishi. Ncakwiila abalo balaakwisa cakufwambaana abuumbi.

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Jelemiya 21:4

Mwaami Lesa, Lesa wa bene Isilaeli waamba ayi, ‘Ndaakukoma likoto lyanu lya bashilumamba litoolwana mwaami wa kuBabiloni abashilumamba bakwe abo bamushingulukite pansengwe lya lubumbu. Ndaakubunganya shilwanisho shanu mukati ka ndabala ino.

Jelemiya 25:14

Balo beene balaakucatwa busha kumishobo iinji akubamaami banene. Ndaakubalambula kweelana amicito yabo alimwi amilimo njebacita amaansaabo.’ ”

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”