Isaya 10:9 - Baibo Busansulushi Bwa Libuku Ili

⁹ Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 10:9 Marejeleo ya Msalaba

Matalikilo 10:10

Pakutaanguna buleelo bwakwe bwakalinga kusenkanya Babiloni, Eleki, alimwi aAkadi, shoonse shotatwe kashili muBabiloniya.

2 Samwelo 8:9

Ono Toyi mwaami wa Amati wakanyumfwa ayi Defedi wakakoma boonse bashilumamba bakwe Adadesa.

2 Baami 16:9

Tigilati Pilesa, mukucita kweelana akusenga kwakwe Aasi wakaya abeshilumamba mukulwana ndabala ya Damasikasi. Wakeekoma, wacaya mwaami Lesini akutola bantu busha kuKili.

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

2 Baami 18:34

Ino balesa bakwe Amati alimwi aAlipadi bali kuli cino ciindi? Ino balesa bene Sefafaimu, Ena, alimwi aIfa bali kuli? Sa kuliiwo wakapulusha Samaliya?

2 Makani 32:14

Ndilili balesa ba mushishi isho bamashali bangu nshebakanyonyoola ndibakakonshawo kupulusha bantu babo kuswa kuli ndime? Ino lakwe lesa wanu inga wamupulusha buyani kuswa mumaansaangu?

2 Makani 35:20

Ono mwaami Josiya ndyaakamana kucita shoonse ishi muŊanda yakwe Lesa, Neko mwaami wa bene Ijipiti wakanyamuka abashilumamba bakwe kuya mukulwana kuKakemishi kuMulonga wa Yufuletisi. Josiya alakwe wakaya mukumukumanya ayi balwane.

Isaya 10:8

Ulalisumpula akwaamba ayi, “Bamatanjilili bangu ba bashilumamba boonse mbamaami.

Isaya 17:1

Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Isaya 17:3

Mucishi ca bene Efuleemu teshi munoocili ndabala inene icite lilinga lya mabwe. KuDamasikasi teshi kukabewo tubili bwaami. Abalo ba kuSilya beshi bakacaaleewo balaakunyaikwa bulemu anga mbantu bene Isilaeli. Ubo mbondaamba nebo neMwaami Lesa Shinkusu shoonse.

Isaya 33:8

Mikwakwa inene yacaalabo bwaashi. Ncakwiila taamu beshikweenda baliimo. Cipangano capwaikwa, bakamboni ba ncico banyanshikwa. Taaku nabi womwi ulemekwa.

Isaya 36:19

Ino balesa bakwe Amati alimwi aAlipadi bali kuli cino ciindi? Ino balesa bene Sefafaimu bali kuli? Sa kuliiwo wakapulusha Samaliya?

Isaya 37:11

Webo wakanyumfwawo kale bamaami ba bene Asilya mbobacita kucishi ico ncaapinga kunyonyoola. Ono sa webo inga wapulushikwa?

Isaya 37:13

Mwaami wa ndabala ya Amati, Apadi, Sefafaimu, Ena alimwi aya Ifa bali kuli?”

Isaya 7:8

Mukwiinga cishi ca Silya taciindiwo nkusu paDamasikasi ndabala inene iindaawo ya ncico. Ayalo ndabala ya Damasikasi tayiindiwo nkusu Lesini mwaami wa njiyo. Acalo cishi ca Isilaeli na kwiindebo myaaka ili 65 teshi cikanoocili cishi.

Jelemiya 46:2

Wakaamba palikoto lya bashilumamba bakwe Falawo Neko mwaami wa bene Ijipiti. Bashilumamba abo bakakomwa kuli Nebukadinesa mwaami wa bene Babiloni kuKakemishi kuMulonga wa Yufuletisi. Bakakomwa mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda. Wakaamba ayi,

Jelemiya 49:23

Mwaami Lesa utokwaamba pandabala ya Damasikasi ayi, “Bene Amati abene Apadi bapenshekwa mumyoyo yabo ceebo banyumfwa makani abiibi. Balityongookite akupenga mumyoyo yabo bweenka mbuli maanshi a mulweenge atoomunibo.

Esekelo 47:16

Kuswa kooko ilaakuya mukwiinda kundabala inene ya Belota aya Sibulaimu. Mandabala aya ali panyinsa ili pakati ka bulelo bwa Damasikasi alimwi abwa Amati. Kuswa kooko ilaakuya mukwiinda kundabala inene ya Asa Atikoni iyo ibetele panyinsa ya cishi ca Aulani.

Abakuku 1:10

Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.

Shakubelenga 34:8

tibili akunshila iinda kumwinjililo wa kuAmati. Kuswa kooko, ilaakwiinda kuSedadi,