Isaya 1:17 - Baibo Busansulushi Bwa Libuku Ili

¹⁷ Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Isaya 1:17 Marejeleo ya Msalaba

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Kulonga 22:21

“Mutabi alunkutwe nabi kupensha muswamashi, mukwiinga amwebo mwakalinga baswamashi mucishi ca Ijipiti.

Tushimpi 15:25

Mwaami Lesa ulamwayulula ŋanda ya shikulisumpula, sombi ulatabilila buboni bwa mukalubinje.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Tushimpi 31:9

Kobaambililaako akoombolosha cakutanyengelela. Ee, kotabilila bakandu abapengete kwaamba ayi batanoolitwa masuku pamitwi.”

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 56:1

Mwaami Lesa utokwaambila bantu bakwe ayi, “Kamoombolosha cakutanyengelela akucita shiluleme ceebo ndipafwaafwi kumupulusha. Bululami bwangu buli pafwaafwi kuyubululwa.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Esekelo 18:31

Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?

Esekelo 22:7

Muli ndiwe taamu nabi womwi uyo ulemeka baishi nabi banyina. Muli ndiwe bantu balacenjeeka baswamashi akupensha bana banshiwa alimwi abamukalubinje.

Esekelo 45:9

Mwaami Lesa Shinkusu shoonse wakaamba ayi, “Mwebo nobaleli bene Isilaeli, mweendilisha kubisha nobene Isilaeli! Amucileeke shalunkutwe alimwi akulyatilila bamwi. Amucite shintu shakutanyengelela alimwi shiluleme. Mutakatandi tubili bantu bangu kuswa mucishi cabo. Nebo neMwaami Lesa Shinkusu shoonse ndaamba.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.