Filimoni 1:9 - Baibo Busansulushi Bwa Libuku Ili

⁹ Sombi ceebo ca lusuno ndakusenga, nakubi kwaamba ayi ndime Paulo mutumwi wakwe Klistu Jesu alimwi pacecino ciindi nendi muntolongo ceebo ca nguwe.

Filimoni 1:9 Marejeleo ya Msalaba

Kulumbaisha 71:18

Ono bulya mbondacembela, amumutwi mbomwatuba kumfwi, mutamfutatili nobaLesa kushikila nkaambilishe nkusu shanu kulishalane licisa kunembo. Ee, nkaambilishe nkusu shanu kubaabo bacisa mukushalwa.

Kulumbaisha 71:9

Mutankaki bulya mbondacembela. Ee, mutamfutatili bulya mbondamana nkusu.

Tushimpi 16:31

Imfwi ngumushini wa bulemu. Kubaasho cilaamba ayi muntu ulicite buumi bululeme.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Efeso 3:1

Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 6:20

Ono kwaamba ayi bantu baanji beshibe Makani Abotu, nebo ndi mutumwi wakwe Jesu Klistu, nabi pacecino ciindi ndi muntolongo. Amumpailileeko kwaamba ayi mbe ankusu shakushimikila Makani Abotu cakutaloonda kweelana ambonjelete.

1 Timoti 1:12

Ndamulumba Klistu Jesu Mwaami wesu uyo wakampa nkusu, mukwiinga wakayeeya ayi ndashomeka akunsala ayi musebensele.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Bene Ebulu 13:19

Ndamusenga amoyo wangu woonse ayi mupaile kuli Lesa kwaamba ayi ambooshe kuli ndimwe cakufwambaana.

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

Boomboloshi 21:22

Ono na bamaishiwabo nabi bamanandumishabo baakwisa mukututongookila, tulaakubakumbula ayi, ‘Amutunyumfwile nkumbu kwiinda mukutusuminisha kubatola ceebo tatukwe kubacanina banakashi ciindi ca nkondo ya kuJabeshi Gilyadi. Mwebo tamucite mulandu tau, ceebo teshi ndimwe mwakeebesha bana banu kubene Benjameni.’ ”