Esita 8:11 - Baibo Busansulushi Bwa Libuku Ili

¹¹ Anu mulawo uyo wakalembwa muliina lya mwaami wakasuminisha baJuda mundabala inene yomwi ayomwi kulibungabunga akulitabilila, nkokwaamba ayi kunyonyoola, kucaya akulobya likoto lya bashilumamba boonse ba mushobo uli woonse nabi ba cipansha ca cishi cili coonse abo beenga babalwana akulwana bamakaabo abana babo. Wakabasuminisha akusaala buboni bwa balwani babo.

Esita 8:11 Marejeleo ya Msalaba

Esita 3:13

Beshinkombe bakatola makalata ayo kushipansha shoonse sha cishi. Makalata ayo akalinga kwaamba ayi banyonyoole, kucaya akulobya baJuda boonse, bacikula bwangu abamanene, banakashi abanike akusaala buboni bwabo boonse pabushiku bomwi. Bushiku ubo mbwalikumi anshiiku shotatwe bwa mweenshi walikumi ayobilo wiitwa ayi Ada.

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Kulumbaisha 137:8

Ondabala ya Babiloni webo ooelete kunyonyoolwa! Ulicite coolwe uyo ukubooshesha cishole ceebo ca sheesho shoonse nshewakacitila ndiswe.

Kulumbaisha 68:3

Sombi balo baluleme abasangalale. Abasangalale mubulemu bwakwe Lesa. Ncakwiila abasekelele cakusangalala abuumbi!

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Esita 9:18

BaJuda bakalinga kwikala mundabala inene ya Susa bakabungana pabushiku bwalikumi anshiiku shotatwe alimwi apabushiku bwalikumi anshiiku shone ayi bacaye balwani babo. Lyalo pabushiku bwalikumi anshiiku shosanwe bakookesha akubulengesha kuba bushiku bwakusekelela akusangalala.